Lafaek News—Charles Pereira idade 14, moris iha suku Fatuhada, postu administrativu Dom Aleixo munisípiu Dili, defisiénsia liman ho ain, husu kadeira roda atu fasilita nia ba eskola.
Charles sente ho kondisaun difisiénsia susar tebes atu halo atividsade ruma, loron kalan hakdasak lori isin parte loos, hakat be la diak, maibé kakutak hanoin hela nia futuru, tenke susesu, maibé tenke liu husi dalan eskola atu haforte nia konesimentu abilidade as atu iha esperansa ida iha future, maske defisiénsia liman-ain parte karuk nian, más la’os defisiénsia too kakutak.

Charles tuur hanoin husi nia hakarak rasik atu hakat ba mai hanesan ema seluk, tuur hein de’it iha fatin, maibé laran dodok bainhira haree nia mane maluk sira halimar tebes bola, halai ba mai husi nia oin, tuur hateke de’it maibé sente laran moras atu fo sala ba se loos.
Laran hakarak eskola hanesan nia mane maluk sira, maibé laiha kadeira roda ida atu ajuda nia tuur dudu ba eskola, antes ne’e nia uza duni kadeira roda bebé nian, maibé la’os kadeira roda, autoridade lokál sira konese defisiénsia Charles, maibé lakon hanoin atu husu netik kadeira roda ba nia, maske haree ho matan Charles loron kalan tuur de’it iha kadeira leten.
“Ha’u nia liman ho ain mak halo ha’u la’o la di’ak no hamriik mós la diak, ne’e mak halo ha’u tur hakdasak de’it iha rai hanesan ne’e,” katak Charles.
Charles hakdasak de’it iha rai husi dadeer too kalan, kabun hamlaha hakdasak husi liur ba dapur hodi foti rasik hahan hodi han, bainhira haan hotu tiha, tuur hakdasak iha rai too sente dukur hakdasak neneik bat oba fatin hodi deskansa.
Ha’u hakarak lo’os atu ba eskola, maibé susar ba ha’u atu lao no hamrik hanesan kolega sira seluk, tanba ha’u nia moras ne’e la’os foin mak akontese ba ha’u, maibé ha’u moris mai hanesan ne’e kedas, dala ruma loron ha’u tur hakdasak hanesan ne’e, kalan toba ha’u senti isin sira ne’e moras hotu, tanba la iha kursi roda ba ha’u hodi uza,” defisiénsia Charles haktuir ba lafaek news iha nia rezidénsia Fatuhada.
Momentu Charles moris nia kondisaun defisiénsia kedan kedas to’o ohin loron, tanba moras ne’ebé akontese ba nia husi parte liman karuk ho ain karuk, parte liman lo’os ho ain lo’os maten book an la di’ak, nune’e nia presziza tebes kadeira roda ida hodi ajuda nia movimentu ba mai no bele lori nia ba eskola.
Charles nia peregrinasaun iha mundu ne’e nakonu ho tristeza, inan-aman rasik fahe malu, bainhira Charles sei iha nia inan kabun laran, bainhira nian inan rasik deside kaben fali ho mane seluk, tenke husik hela Charles ba nia aman kiik Pedro da Conceição Gomes Asis, (Charles nia mama rasik ninia alin nia katuas oan), mak tau matan hela ba Charles too ohin loron.
“Pedro da Conceição Gomes Asis, konta katak, hanesan ama senti triste ho kondisaun moras ne’ebé akontese ba nia oan, tanba nia oan durante moris mai hodi akontese moras ida hanesan ne’e, la iha nai ulun ida mak atu tau matan ba nia hodi ajuda netik kursi roda ba nia, tanba kursi roda ne’ebé nia uza iha momentu ne’eba labarik bebe nian ma kami foti hodi nia uza, maibé dau-daun ne’e kursi roda bebe nian ne’e nia labele uza ona, tanba a’at no tohar hotu ona, tan ne’e nia parte husu ba (ADTL), tau matan netik ba nia oan mane ne’ebé ho kondisaun moras difisiénsia, atu nune’e nia mós iha direitu ba asesu edukasaun”. Nia aman kontak.
Nia aman haktuir, antes ne’e nia lori ona nia oan Charles ba terapia iha Sentru Saúde Bekora, depende ba nia aman hakiak nia tempu bainhira livre lori Charles ba halo tratamentu terapia, tanba nia aman hakiak hanesan povu babain laiha servisu.
Ha’u sempre lori nia ba terapi, karik tempu la iha ami labele ba, tanba ita nia moris hanesan ema agrikultura nia oan ita tenki depende ba negosiu ki’ik ne’ebé ita iha hodi buka osan sustenta familia uma laran,”Pedro salienta.
Hatan ba preukupasaun defisiénsia Charles nian, Xefe aldeia Andevil suku Fatuhada, Domingos de Souza Campus, afirma familia husi Charles Perreira durante hela tinan barak ona iha aldeia ne’e, maibé visa familia la tama iha rejista iha aldeia refere.
“Hanesan ita hatene foin lalais liu ba iha tinan 2022, kona-ba rejistu naran visa familia hodi hetan subsidiu $200 dolar ne’ebé ita nia govervu sira fó kada kuarga, maibé iha keluarga barak mak hetan osan $200 dolar ne’e no alin Charles ho nia familia la tama iha lista ne’e rasik, hahú husi tempu sira mai hela to’o agora,” Haktuir Xefi Aldeia Andevil.
Entretantu, iha loron 19 fulan Abril 2023, jornalista lafaek news tenta halo konfirmasaun ho Asosiasaun Defisiénsia Timor Leste (ADTL), maibé parte sekretariada ADTL resposta katak ADTL seidauk rekonese defisiénsia ho naran Charles Pereira, tanba infelizmente familia ho autoridade local seidauk submete naran ba lista ADTL.
“Labarik ho idade hanesan ne’e nia naran seidauk rejista iha ne’e,” lia husi sekretariadu ADTL hodi resposta ba pergunta jornalista lafaek news.
(Husu ba maluk sira ne’ebe iha interese hakarak ajuda defisiensia Charles bele kontaktu Lafaek News 78650169)
Estajiadu: Rosantino Almor da Costa
Editor : Agapito de Deus