Lafaek News—Faluk Maria Ulan hatoo agradesimentu ba diretór kompania Nuno Unipesoal Lda. Nelson Baptista da Costa, ne’ebé ho laran kmaan fo ona tulun nesesidade bázika hanesan foos saka 4, mina masa 2 no supermie kaixa 4 inklui nesesidade seluk ba faluk kbiit laek Maria Ulan iha aldeia La’o Rai suku Kuluhun Dili.
Faluk Maria Ulan moris nu’udar ema kbiit laek no hela iha uma ne’ebé la dignu kalen taka iha uma kakuluk-leten hahú dodok no didin sira komesa naksobu, sente la hakmatek bainhira iha tempu udan no anin boot tenke halai ba viziñu sira nia uma hodi salva an husi dezastre naturais.
Diretor Kompania Neno Unipesoal Lda. Nelson Baptista da Costa Belo hanesan Timor ne’ebé mak ho fuan boot hakat too iha faluk Maria nia hela fatin hodi fo tulun netik nesesidade moris nian ba faluk ho nia oan natin tolu atu bele kontinua hatutan moris.
Diretor kompani Neno ne’e dehan, istoria inan faluk Maria Ulan nian, nia asesu informasaun husi media online Lafaek News ligadu ho inan faluk ne’e nia halerik no presiza ajuda,
“Ha’u hetan informasaun ne’e husi kolega balu nia informasaun katak ita hetan inan faluk ne’ebé presiza tebes ajuda ai han ruma entaun ha’u mos iha hanoin ida interese hakarak tebes atu ajuda inan faluk ne,” Nelson afirma.
Nelson esplika, ajuda ne’e la signifika ema ne’ebé mak riku ou iha liu sasán mak ajuda, maibé hanesan ema kriatura Maromak nian labele hare liu de’it ema seluk nia halerik hanesan mós iha Bíblia Maromak nian hateten labele han liu, maibé tenki hanoin mós ema ne’ebé mak prezisa tulun husi o.
Hafoin simu tiha tulun nesesidade báziku husi kompania Neno unipesoal lda. faluk Maria Ulan sente kontente no agradese ba kompania Neno Unipesoal Lda ne’ebé hamenus ona nia halerik.
“Obrigado barak ba ita boot sira hotu,tamba durante ne’e hau terus ba labarik sira sei kiik to sira boot hotu ona,maromak ajuda ita boot sira mai lori hahan mai ajuda netik hau tamba hau laiha servisu,ema bolu hau ba halo tais ne’e selu deit hau nia kole hanesan atu selu fulan ne’e laiha hau halo tais tahan ida sira selu kedas hodi hola labarik sira nia presija hanesan sapatu,buku ,lapijera,ho buat seluk tan, hau agradese i obigadu ba maun sira bele mai ajuda ona,”faluk Maria hatoo nia agrdesimentu.
Observasaun lafaek news nota iha rezidénsia inan faluk Maria Ulan moris iha situasaun ne’ebé iha situasaun susar no halerik, maibé ohin loron hetan ona tulun natoon husi joven Timor oan sira ne’ebé iha hanoin hakarak ajuda maluk sira ne’ebé presiza ema seluk nia tulun.
Jornalista : Julio da Conceição
Editor : Agapito de Deus
