Lafaek News—Cruz Vermelha Austrália, kinta (17/08/2023), lansa mos sistema dijitál Microsoft 365 no oferese komputador 13 ho laptop 13 total unidade 26 ba Cruz Vermelha Timor Leste hodi tulun hala’o servisu iha baze.
Sekretáriu jerál Cruz Vermelha de Timor-Leste, Luis Pinto hateten liu husi lansamentu ne’e hodi hare liu-liu kona ba sistema finansas nian no mós sistema microsft 365 hanesan buat foun iha CVTL hodi utiliza programa sira ne’ebé mak avansadu atu suporta programa CVTL nian iha filial hotu-hotu.
“Atividsde ida ohin ne’e halo lansamentu liu- liu ba ami nia sistema Finansas nian no mós microsft 365 nian katak ida ne’e foun ba Cruz vermelha de Timor leste ne’ebé mak ami utiliza programa sira ne’ebé mak mais avansadu para bele utiliza programa sira ne’e la’o to iha ami nia filial sira para bele suporta sira nia programa no mós atividade sira hotu,” Luis Pinto ba jornalista sira foin lalais ne’e iha CVTL.
Tuir nia lansamentu mós oinsá mak atu bele fo koñesimentu no formasaun sira ba filial sira oinsá bele utiliza dijitalizasaun no utiliza programa sira ne’ebé foun tanto kona ba Finansas nian no mós programa oioin hodi nu’une ba futuru Cruz vermelha de Timor-Leste mós bele dezenvolve di’ak liu tan,
Iha sorin seluk Cordenador Cruz vermelha de Timor-Leste filial Dili, Martina Mendonca fo agradese no apresia ba ekipa IT-CVTL ne’ebé Fasilita ona Cordenador filial sira ho ekipa bele hetan laptop 26 bele utiliza microsft 365 hodi nune’e Fasilita servisu ne’ebé di’ak liután.
“Ha’u agradese ba ekipa IT CVTL ne’ebé mak bele Fasilita ona cordenador filial sira ho ekipa atu bele hetan fasilidade ne’ebé mak hanesan laptop no mós bele utiliza microsft 365 hodi bele fasilita ami nia servisu iha kada Munisípiu di’ak liu tan,” nia sublina.
Koordenador CVTL filial munisípiu Dili ne’e apresia tebes ho Sistema teknolojia ne’ebé avansadu maka’as iha instituisaun CVTL bele ona utiliza no tulun ona servisu loro-loron iha sosiedade Timor Leste.
Entretantu serimonia fornesimentu komputador no lansamentu ba Sistema dijital Microsoft 365 fasilita kedan trenamentu husi IT-CVTL ba koordenador filial sira durante loron 4 komesa husi loron 17 no sei remata iha loron 20 fulan Agusto 2023.
Jornalista : Felix Fernandes
Editor : Agapito de Deus
