Nelson Marcal Monteiro Amaral : Husi Universidade Dili UNDIL

Durante ukun aan nia laran, prekupasaun konflitu sai hanesan problema ida ne’ebé iha ita nia rai iha sosiedade hasoru. Konflitu sira ne’e dalan barak mós halakon ema nia vida umana ka autor sira ne’ebé halo krimé sofre konsekuénsia hosi konflitu fiziku balun ne’ebé mosu iha ita nia rain, razaun tanba mosu ona konflitu rezulta krimé sira iha sosiedade dala barak grupu sosiedade nian. Grupu arte marsíal no arte rituál dala-barak akuzasaun sira maka envolve iha konflitu sira ne’ebé mosu tebes ka laé katak konflitu sira mosu iha durante ne’e envolve de’it hosi menbru arte marsíal no arte rituál sira.

Goveno nia esforsu dahuluk liu husi aprova  Lei no.10/2008, Lei ba Arte Marsiais. Bazeia ba lei refere esforsu oin-oin husi Governo homosu komisaun reguladora Arte Mariais, no mos Federesaun Silat Timor-Leste (FESTIL) no nia membru hamutuk 12 hari’i hanesan organizaun mahon ida ba Arte Marsiais sira iha Timor-Leste. Falta kontrola husi Komisaun reguladora arte Marsiais la hala’o nia serbisu ho diak hodi rezolve problema grupo arte marsiais sira. Inisitiva husi lider artemarsiais sira no sai sasin husi lider fundador sira nasaun nian ho komprimisu husi lideransa Grupo arte marsiais no arte rituais sira hotu halo unidade nasional no juramentu ba estado atu hakotu konflitu hodi kontribui ba dezenvolvimento nasional lahatudu iha pratika no konflitu grupo arte marsiais sira sai poblematiku ho hamosu disturbui iha ordem publiku.

Tuir akamdemia nia observasaun geral iha Timor-Leste katak, akontese asaun problema lubuk ida hanesan, tuda malu entre grupu iha Bidau Audian, no Vila-Verde, no mós iha munisipiu Ainaro no mós iha fatin seluk, sai hanesan prekupasaun públiku no la obedese ba ita nia Lei. Asaun hirak ne’e halo komunidade sira iha kapital no iha area rurais hodi pániku no sente la seguru ba konflitu sira ne’ebe akontese hela deit iha ita nia nasaun.

Bazeia ba Konflitu sira ne’e mosu tanba menus husi morál, laiha konsesia ba malu, hodi minimiza malu nune’e konflitu hodi mosu, hahalok mal edukadu partika iha publiku no sosiedade nia le’et? La’os ema hotu-hotu hanesan ne’e, maibe iha balun deit matein ho atetude hirak ne’e, buat hirak ne’e akontese tanba menus morál pratika arte-marsiál ka rituál, kona-bá arte-marsiál, sira ne’ebé tama kategoria pencak silat hanesan iha aspetu mentál no espiritual katak dezenvolve personajen no karáter aspetu arte no kultura katak formasaun movimentu fiziku ho instrumentu sira ne’ebé hahun ho tradisaun sira aspetu auto-defeza auto-konfiansa no preseverasaun no aspetu inkluindu natureza no atitude ne’ebé garante saude fisiku no mental hodi hetan prestasaun diak iha mundu desportivu prisipiu fundamental arte masiál ida probidu atu halo asaun sira ne’ebé bele fo sensura (prejudika) ba ninia aan rasik, la provoka atu mosu pertubasaun ruma hahalok violénsia ruma no nuka buka inimigu mezmu labele rekua bainhira iha dezafiu ruma.

iha parte balun hanesan konflitu sira akontese tanba kestaun dezempregu nu’udar problema boot ida ne’ebé sosiedade Timor agora enfrenta. Iha diskusaun barak kona ba polítika públiku (kebijakan publik) ne’ebé ema foka kona-bá asuntu dezempregu nu’udar kestaun importante ne’ebé presiza hetan atensaun. Ida ne’e obviamente katak asuntu ida ne’e presiza hetan ema barak nia konsiderasaun, tanba dezempregu sei afeita fatores barak, hanesan kualidade moris, ekuidade iha sosiedade laran, inklusaun iha dezenvolvimentu ekonomia, no ikus liu, no konflitu horizontal iha sosiedade laran.

Dezempregu nu’udar termu utilizasaun ba ema ne’ebé seidauk iha servisu ka empregu ne’ebe dignu. Normalmente dezempregu mosu tanba taxa ema ne’ebé buka empregu aas liu fali kampu trabalho ezistente. Dezempregu dala-barak liu sai problema ba ekonomia tanba bainhira dezempregu barak produtividade no rendimentu sidadaun sira nia sai menus nune’e bele hamosu kiak no mukit no problema sosial sira seluk.

Alende ne’e atu solusaun asuntu sira hanesan konflitu sira ne’ebé maka sempre akontese iha ita nia nasaun Timor-Leste, dalan alternative ne’ebé di’ak fila fali ba Politika Públika sira iha ita nia rain. oinsa para kria kondisaun ida ne’ebé ke esensial hanesan kria kampu trabalhu halo barak, hodi bele akumula ema hotu ne’ebé empregu hodi nune’e bele halakon konflitu iha ita rain.

Akamdemia nia Rekomedasaun : Hatan ba hamenus problemas ne´ebe envolve klosan sira, liliu provoka husi konflitus artes marsiais no rituais. Resposta bele liu husi dalan estruturais no mos bele liu husi oinsa maka kontrolu:

Resposta estruturais ne´ebe maka tenki resolve problemas sira, hanesan estrutura legal ka enquadramentu juridika no responde husi problemas sosiais, hanesan harii fatin servisu, harii kompitisaun desportiva iha nivel hotu, husi distritais no nasional.

Lei no.10/2008, regula ba artes marsiais, atu defini direitu no dever ba grupos artes marciais. Ho rejime juridiku desportiva ne´ebe regula ba artes marciais no sira transforma iha ona ninia personalidade juridikas nudar pesoas kolektivas. Iha ninia direitu no mos iha ninia dever ne´ebe tenki kumpri. Direitu, nudar organizasaun desportiva, regula liu husi Lei bazes desportos. Lei artes marciais, regula konaba deveres no prosedimentu balun ne’ebe grupos ka organizasaun artes marciais tenki kumpri. Se wainhira maka iha infrasaun disiplinar bele hetan sansaun administrativa.

Governu liu husi Sekretaria Estadu ba Juventude no Desportiva hamutuk ho Federasaun Silat sira ka FESTIL, buka halao programas ne´ebe integradu hodi halo kompetisaun desportivas ba grupos artes marciais sira. Artes marciais ninia komponente ida maka treinu ba isin diak, hodi hetan rekoneciemntu ba sira nia meritus liu husi menan medailas iha nivel distrital, nasional no mos bele hetan biban ba kompete iha nivel internasional hanesan: ASEAN GAME, SEAGAME no Olimpico. Buka hamoris kompetisaun ne´ebe hahu ho semi profisional no amadores. Buka hatama nudar kurikulum ba eskolares sira hodi pratika artes marciais nudar defini iha ninia termu, ninia misaun no visaun artes marciais rasik.