Lafaek News—Autoridade Protesaun Sivil (APC-sigla Portugés), rejista tan uma kain 118 mak hetan estragus husi dezastre naturais iha loron 11 fulan Jullu 2023 iha munisípiu 8.
Autoridade Protesaun Sivil (APC) Anacleto Caetano, informa destasre naturais ne’e akontese iha Munisípiu 8, kompostu husi Ainaru, Ermera, Vikeke, Lautém, Manufahi, Bobonaro no Oe-kusse.
Entretantu, dezastre naturais iha munisipiu Ainaro rai halai estraga uma kain 26, Baucau anin sobu uma 3 no ahi han uma 2, Bobonaro ahi han uma 1 Anin sobu uma 3, Ermera ahi han uma 1 no ema nain 1 lakon vida, Lautém bee sa’e estraga uma 5, Manufahi anin sobu uma 1 be sa’e estraga uma 2 Rai halai estraga uma 27, Raeoa anin sobu uma 2 ahi han uma 3, Vikeke anin sobu uma 3 rai halai estraga uma 5 no be sae estraga uma kain 35 .
Anacleto, fundamenta parte Autoridade Protesaun Sivil saida mak protesaun sivil halo husi munisípiu 8, autoridade protesaun sivil servisu hamutuk ho autoridade lokál no parseiru sira halo intervensaun no fó ona apoiu emerjénsia ba komunidade afetadu sira no balun sei halo reverifikasaun no Levantamentu foun hodi hetan apoiu emerjénsia, tuir dadus ne’ebé mak husi APC total uma ne’ebé mak afetada hamutuk 1970.
“Uma afetada la signifika uma estragus uma afetadu hamutuk 1970 uma ne’ebé afetada ou familia ne’ebé mak afetada maibé atu imforma ba ita boot sira katak ohin loron ami husi autoridade protesaun sivil fo sai agora ita nia Governu foun secretarios foun ne’ebé dadus ne’ebé mak ita konsidera hanesan atu fó apoiu iha tempu badak”
Entretantu dadus ne’ebé atu fó apoiu iha tempu badak hamutuk uma kain 1148 ne’ebé autoridade protesaun sivil konsidera hanesan uma ne’ebé direitu ba iha rekuperasaun.entretantu komunidade sira ne’ebé afetadu ba dezatsre Naturais balu kontinua hela iha lona okos
Jornalista : Felix Fernandes
Editor : Agapito de Deus