Lafaek News—Governu Timor Leste, liu husi Sekretaria Estadu Formasaun Profissionál no Empregu ( SEFOPE), asina deklarasun Traballador Timor Oan 43 inklui ho feto ida, sei ba servisu iha Korea Súl iha 2025 hodi servisu iha fábrika (nain 8), peskas (20) no re-entry nain 15.
“Fo hatene ita hotu iha ne’e katak sira ne’e ita bele dehan servisu nain dehan di’ak tebes, tanba la fasil sira tinan lima iha ne’eba hamutuk ho empregador no sira fila mai TL, hodi empregador fiar bolu sira fila fali ba Korea hamutuk ho sira tinan lima (5) tan,” Diretor DNEE João Correia, iha nia diskursu ba jornalista sira iha salaun TimorLoad Comoro, (15/01).
Diretor DNEE ne’e nakonu ho esperansa ba traballadór sira bele aproveita diak futuru bele hetan visa atu bele lori familia sira ba hela iha ne’eba, no oan sira bele ba eskola iha ne’eba, hanesan mos moris iha Korea do Sul.
“Husi ida ne’e atu hatete iha fatin ida ne’e traballador sira sei aranka iha 20 de janeiru no sira sei to’o iha korea iha 21 de janeiru 2025, husu ba traballador sira kuidado an nafatin tanba sei halo teste saúde dala ida tan, signifika sei kuidadu-an husi oin ba oin to’o sei teste iha HNGV, “Inan aman sira kuidado hamutuk tanba Oportunidade sei la mai dala rua antes sira atu hetan oportunidade hanesan mos iha prosesu makas nia laran ho pasensia tomak, maibe ho sira nia pasensia mak sira bele hetan oportunidade ida ne’e” dehan João
Iha fatin hanesan Sekretaria Estadu ba Formasaun Profissionál no Empregu, Rogeiro Mendonça, apresia Diresaun Nasional Empregu Estranjeiru (DNEE) ho funsionariu sira hotu ne’ebé halo relasaun di’ak tebes, hare’e iha 15 fulan Janeiru tinan 2025 haruka Traballador Timor-oan hamutuk 43 hodi aranka ba Korea do Sul.
“SEFOPE agradese ba HRD governu Korea do Sul nia servisu hamutuk ho Sekretariu Estadu Formasaun Profesional no Empregu (SEFOPE) hodi prepara formasaun , rekrutamentu ba ita bo’ot sira sai hanesan kandidatu traballador Timor oan sira,” governante ne’e sublina.
Tan ne’e, nia dehan, traballador Timor oan 43 ne’ebé uza sapeo ho kamizola RDTL la’os munisipiu A no Ba, maibé ne’e nu’udar Timor oan, ho seremonia sira hanesan ne’e importante tebes hodi nune’e bele eduka joven sira oinsá atu ba tuir regulamentu ne’ebe husi estadu rua ne’e esabelesidu ona.
“Nune’e eduka joven sira ba ne’e ho skill natoon no sira fila-fali mai aumenta tan esperensia ne’ebé iha ho fundus ne’ebé iha hodi apoiu familia uma laran no sira fo kontribuisaun ba rai doben Timor-Leste, SEFOPE husu ba traballador Timor oan foun kuase ema na’in 28 no ema na’in 15 re-entry, ne’ebé husu ba traballador Timor oan foun tenke banati tuir traballador Tim ne or oan sira ne’ebe re-entry tanbá sira ba servisu la halai ses husi sistema,” nia hakotu
Jornalista Magan : Natalia de Jesus
Editor : Agapito de Deus
