Lafaek News—Ekipa Sekretariu Estadu Assuntu Toponimia Organizasaun Urbana (SEATOU) aviza ba autoridade local parte Fomentu I husu okupantes sira hamamuk ona fatin husi ohin sesta (10/01/2025) too Domingu mákina sei suru.
Asuntu ne’e hatoo hosi xefe aldeia Fomentu I, Luis Camões ba Lafaek News, kinta (09/2025), katak ekipa SEATOU hatoo ona ba autoridade local atu aviza okupantes sira husik mamuk ona hela fatin nune’e governu halo evakuasaun ba ida-idak nia munisípiu.
“Informasaun hato’o hosi SEATOU liu husi telefone ba ekipa sira iha kampu hodi hatutan ba Xefe aldea atu aviza ba komunidade afetadu katak domingu sasán tenke iha hotu iha estrada ninin, segunda hodi tula sai sasán afetadu sira ba ida idak nia munisípiu,” Xefe aldeia Fomentu I Luis Camões sublina.
Autoridade local ne’e fundamenta, iha loron Domingu (12/01/2025) parte EDTL sei hamate lina eletrika, no evikantes sira transporta direta ba munisípiu ida-idak
Jornalista : Acacio Pinto
Editor : Agapito de Deus
