Lafaek News—Koordenadór Peskiza Fundasaun Mahein, Sancho Xavier, afirma, relasiona konfrontu asaltu malu entre bairo rua, maskriñas ho kaikoli no inklui iha fatin seluk ne’ebé parte Oknum Polisia Nasionál Timor-Leste (PNTL) halo atuasaun uza arma hodi tiru joven sira, ne’e hafoer instituisaun Polisia Nasionál Timor-Leste (PNTL) nia naran.
“Kazu ida ne’e Fundasaun Mahein lamenta ho hahalok Oknum PNTL nian, tanba ita hare’e katak esforsu barak ne’ebé Instituisaun halo inklui entidade no sosiedade Sivil no ema hotu halo, oinsa atu tau matan ba Instituisaun PNTL ida ne’e la’o di’ak, mais saida mak akontese oknum PNTL balun ne’ebé kontinua tenta hodi hafoer imagen PNTL nia naran,” dehan Koordenadór Peskiza Fundasaun Mahein Sancho Xavier ba jornalista LafaekNews iha nia Knaar Fatin Fundasaun Mahein, tersa, (4/05/2021).
Koordenadór lamenta ho atitude Oknum PNTL balun ne’ebé kontinua halo aksaun brutalizmu hasoru joven sira iha Becora no Maskariñas.
“Ita hotu akompaña asaun brutal sira ne’ebé halo husi Oknum PNTL halo hahú husi Becora, involve husi KPK no oknum PNTL hasoru sidadun no oknum PNTL kontinua uza forsa hodi tiru joven nain 3 iha parte Maskarinhas ne’ebé dadaun ne’e baisa hela iha Ospital ho kazu ida Fundasaun Mahein lamenta tebes ho akasaun Oknum PNTL,” nia Preokupa.
Tanba ne’e fundasaun Mahein husu ba Komandu Polisia Nasionál Timor-Leste presiza fó asaun ne’ebé mak rigorozu no forte ba Oknum Polisia Nasioanl Timor Leste, ne’ebé tenta hafoer instituisaun PNTL nia naran.
“Ita labele tolera hahalok sira ne’e ba bei-beik selae esforsu sira ne’ebé mak instituisaun PNTL halo durante ne’e laiha valor,” Kordenadór FM ne’e kestiona.
Jornalista : Rita Moniz/ Domingas Viana
Asisten Ediór : Pedro de Almeida
