Lafaek News—Ministru Prezidénsia Konsellu Ministru (MPKM), Fidelis Magalhães, afirma sidadaun ne’ebé lakohi entrega an ba teste swab autoridade seguransa sei halo asaun obrigatóriu tama kuarentena no seluk rasik otél.
“sidadauk hirak ne’ebé lakohi kolabora ka hola parte iha swab test ida ne’e ho forma governu, obrigatoriu submete ba iha kuarentina depois iha implikasaun ida katak bainhira sidadaun ida tama iha kuarentina sira rasik selu ba kustu kuarentina nian,” Dehan Portavoz Governu Fidelis Leite Magalhães, hafoin halo remata reuniaun KM iha Auditóriu Ministériu Finansas Aitarak laran Dili, Kuarta 05/05/2021.
Nia esplika, desizaun ida ne’e la iha implikasaun kriminal no ida ne’e desizaun husi administrativa governu nian tanba ne’e governu sei impoin fo teste swab ba sidadaun sira iha fatin hotu-hotu liu-liu fatin ne’ebé mak kongrega ema barak.
Konsellu Ministru ne’e dehan, halo alterasaun dahuluk iha dekretu governu númeru 14/2021 29 Abril kona-ba ba ezekusaun deklarasaun estadu emerjénsia.
Ministru Prezidensia Konsellu Ministru, Fidelia Leite Magalhães informa, alterasaun ida ne’e halo ho objetivu ida atu posibilita teste swab ba populasaun sira sei iha kontaktu direitu ho ema ne’ebé prova tiha ona pozitivu COVID-19.
Portavoz Governu ne’e deklara, alterasaun ida ne’e loke kompeténsia ba autoridade saúde sira atu bele halo teste swab iha fatin hotu-hotu ba kualkér sidadaun.
Jornalista : Orlando Magno
Editor : Agapito de Deus
