Lautém-(Lafaek News)—Administrador Munisípiu Lautém Domingos Savio hamutuk ho ekipa taskforce (forsa rezerva), inklui ekipa Prevensaun Mitigasaun Munisípiu Lautém selebra kontratu ho meius ajudikasaun direta ba kompañia ANGIE Catering sarvice unpesoal hodi fornese hahán ba abitante sira iha izolamentu ho kuarentena munisípiu Lautem.
“Kontratu ne’e hanesan meus ida hodi responde ba preokupasaun abitante kuarentena sira ne’ebé antes ne’e tama ona iha kaurentena no ijolamentu sempre kestiona ba hahán ne’ebé mak fornese husi kompañia engel unipesoal ne’ebé la to ba sidadaun sira ne’ebé mak kuarentena ka menus ladún di’ak,” katak administradór munisípiu Lautém, Domingos Savio ba jornalista iha Lautém, tersa (04/05/21).
Iha kontratu ne’ebé mak halo iha salaun admistrasaun munisípiu Lautém, administrador Lautém Domingos Savio, reafirma razaun halo kontratu ho kompañia refere ho nia sub-kontratu ba kompañia haat atu atende abitante sira ne’ebé mai husi Dili halo kaurentena no ijolamentu iha munisípiu kada loron aumenta ba bebeik.
“Bajeia ba enkontru ho Ministru Saúde no diretór jerál ministeriu saúde, ha’u nu’udar administrador ne’ebé responsavel iha munisípiu ne’e, bele indika, kompañia sira ne’ebé servisu iha area Catering, sira bele atende ita nia sidadaun sira ne’ebé mak iha kuarentena no ijolamentu, tanba kompañia uluk Angel tein ona iha interna ka ba ospitál sira, tan ne’e ami haruka fokus tein iha ne’ebá para labele difikulta servisu ba ita nia sidadaun sira ne’ebé iha kaurentena no ijolamentu,” akresenta lider governu lokál ne’e.
Enkuantu, meius ne’ebé agora atu fornese hahán ba abitante sira iha kuarente Lautém indika direta husi diresaun servisu nutrisaun saúde Munisípiu Lautém ba kompañia sira hodi tein nune’e bele fornese ba abitante sira ne’e, tuir dadus autoridade munisípiu kuarentena no ijolamentu ho totál abitante 121, feto hamutuk 37, mane hamutuk 66, kazu pojitivu iha Lautém hamutuk 16 iha ijolamentu feto hamutuk feto 8, no mane na’in 8.
Entretantu, natureza husi kontratu ne’e liu de’it husia ajudikasaun direta, kada loron sei gasta osan ba kada abitante ida iha kuarentena ho montante $.12,50, ho ijolamentu montante $.17 kada abitante.
Jornalista : CE.Lautem
Editór : Agapito de Deus
