Lafaek News—Primeiru vise Diretór Asossiasaun HAK, Filomena Barros Dos Reis, konsidera festa aniversáriu iha Kolmera iha Domingu (02/05/21), kontra rezolusaun governu iha ne’ebé bandu ema hotu atu halo festa iha situasaun konfinamentu domisiliáriu obrigatóriu, ho ne’e parte seguransa presiza foti medidas adekuadu hodi halo investigasaun.
“Ha’u hateten kok bisa sih iha konfinamentu obrigatóriu ne’ebé hahú kedan husi loron 30 no sira hala’o festa ne’e iha loron 3, ba ha’u ne’e, ofensa ida ba governu tanba sira la obedese lei ne’ebé mak iha,” dehan primeiru vise Diretór asossiasaun HAK Filomena Barros Dos Reis iha nia kna’ar fatin farol, tersa (04/05/2021)
Vise Diretór ne’e hatete, buat hotu ne’ebé deside hosi governu, sidadaun hotu tenke tuir, tanba iha loron 29 fulan Abril 2021, Governu liuhosi reuniaun Konsellu Ministru deside ona rezolusaun konfinamentu obrigatóriu katak hakarak ka lakohi sidadaun hotu tenke tuir tanba ema hotu iha lei nia okos.
Nia hatutan komunidade ida ne’ebé ne’ebé halo festa ne’e kontra no viola lei, tanba haree katak serka sanitária no konfinametu obrigatóriu, hatete see de’it maka viola rezolusaun ida ne’e halo ona violasaun ba rezolusaun refere, husu parte autoridade seguransa iha direitu atu foti medidas hodi halo atuasaun.
ntretantu, povu tenke sakrifika an iha uma, sira labele buka osan atu hetan aihan, maibé ema balu bele moris kontente iha ema seluk nia tirsteza, ne’e la loos.
“Tuir mai sira viola tan dekretu lei ne’e governu hasai tanba ne’e husu ba parte siguransa atu toma medidas sira ne’ebé hanesan ba ema hotu-hotu la bele halo fali anak emas balun no menanaktirikan balun,” dehan nia
HAK husu parte siguransa, see haree katak, kontra dekretu lei, tenke toma medidas tuir dekretu nia haruka, maibé informasan ne’e assosiasaun HAK asesu de’it husi media sosiál no fontes balun
“Ida ita bele dehan katak, sidadaun ne’ebé halo nafatin festa, sira ligasaun ho see, nia atu prezidente nia maluk fali ka, nia atu parlamentu nia maluk fali ka,primeiru ministru nia maluk fali ka, see de’it nia tenke hakruk ba lei,”
Jornalista : Felisberto Fernandes
Editór : Agapito de Deus
