Lafaek News— Banda Anar sai sasin ba festa aniversáriu tinan ba dala-47 ne’e, selebra iha domingu kalan 03 05/05/2021 iha suku Kolmera, iha ne’ebé povu hotu kumpre hela desizaun Konsellu Ministru nian kona-ba implementasaun konfinamentu domisiliáriu obrigatóriu iha munisípiu Dili maibe sidadaun balun komemora aniversario ho dansa ne’ebe sai viral iha media Sosial (Medsos ).
Festa aniversariu ne’ebe nia foto ho video ne’ebe viral iha media Sosial , Foto media sosial.
Iha entrevista jornalista Lafaek News ho koordenador Banda Anar, Ano Mintha haktuir antes ne’e nia parte rezeita ho konvite festa nain nian atu konvida banda ne’e ba anima iha festa refere, tanba oras ne’e munisípiu Dili implementa hela no konfinamentu obrigatóriu, maibé deklarasaun husi festa nain rasik katak laiha buat ida situasaun kontroladu.
“Antes ami ba toka mós sei iha konfirmasaun ho festa nain, katak ho situasaun ne’e ita bele halo festa ka lae, maibé festa nain dehan sira ko’alia ona ho parte seguransa autoriza hodi halo festa ne’e, entaun ami ba toka duni iha festa ne’e iha Kolmera domingu kalan,” haktuir Koordenadór Banda Anar, Ano Mintha ba lafaek news hafoin hasoru malu ho lafaek news iha Timor Plaza, tersa (4/05/21).
Ano haktuir tan, bainhira hetan kontaktu husi festa nain hamosu kedan dúvidas no hanoin hela iha nia laran katak agora situasaun konfinamentu obrigadoriu hela festa ne’e la’o maka derrepente polísia tama karik atu ko’alia saida ba ema seguransa sira.
“Ha’u mos sei dúvida husu tan bainhira ita festa hela maka polisia tama ne’e halo nusa, entaun festa nain dehan buat hotu loos ona importánsia tuir regra OMS ho MS,” Kantór husi Banda Anar ne’e hasara tan.
Dúvidas ne’ebé mosu iha Mintha nia laran sai realidade, bainhira divertimentu la’o namas, nune’e konvidadus sira sei jantar hamutuk iha oras tuku 10 ne’e duni, maibé hakfodak seguransa tama iha oras hanesan pas atu han seguransa tama iha uma laran nune’e hahú kedas dezintendimentu ho festa nain no múzika ne’ebé responsabiliza husi banda Anar para imediatu, iha ne’ebé Mintha hanoin fali dúvidas ne’e loos, ikus sai duni saida mak hanoin iha nia laran.
“Ita kan jual jasa, depois de serimonia ne’e la’o pas atu han, derrepente parte seguransa tama mai, komesa dezentendimentu, altura ne’e muzika para kedan, iha tuku 10 dezliga kedan múzika, komesa konvidadu balu fila ona hela de’it uma laran,” dehan Mintha iha entrevista ne’e.
Entretantu, festa ne’e sai viral iha média sosiál, ema hotu preukupa no hasoru hela situasaun konfinamentu obrigatoriu, maibé sidadaun ne’e bele ho aten brani selebra nia tinan ba dala-47 iha loos momentu ida konfinamentu obrigatoriu,
Kantór Anar Band, akresenta iha altura bainhira parte seguransa sira kaer toman festa ne’e iha tuku 10 kalan, nia deside hapara kedan ekipa banda hodi toka múzika, maibé festa ne’e ema ladún barak bele sura konvidadus sira la to’o 100 ida mak partisipa iha aniversáriu tinan ba dala-47 ne’e.
“Ema dansa ne’e, la’os toka husi banda, uza karaoke de’it, festa ne’e taka ami kontinua de’it speaker Bluetooth too agora seidauk iha krítika ruma mai banda, más ita haree katak krítika liu ba festa na’in, maibé ami prontu atu koopera ho se se de’it, más festa ne’e laiha ema boot ruma mak partisipa, mana ne’e nia biin ninia katuas oan mak atual PPN, momentu ami kuandu halo montazen sentimentu ladun di’ak, maibé komesa kedan husi uma, ho dúvida ida ne’e ami sei husu nafatin ba festa nain, maibé festa nain rasik dehan situasaun kontroladu,” nia hakotu.
Enkuantu, ligadu ho notísia ne’e, lafaek news tenta konfirma ho família festa nain hosi selebrante tinan 47, maibé lakohi fó komentáriu no husu de’it deskulpa.
“Deskulpa maun ho haraik an, tanba ha’u la’os festa nain,” haktuir hosi família selebrante ne’e.
Iha Loron tolu fulan Abril 2021 Governu liu husi reniaun Konsellu Ministru estende konfinamentu domesiliario obrigatorio iha Municipio Dili. to’o loron 13 Maio
Jornalista : Acacio Pinto
Editór : Agapito de Deus
