Lafaek News—Eis deputadu husi Filipina Arnolfo Teves Jr. ne’ebé hamutuk ho nia familia Halai mai Timor hakarak sai sidadaun Timor Leste.
“ Ha’u la’os halai lakon hosi ha’u nia rai, ha’u ba Amérika ba ho razaun saúde, ha’u la deside atu la fila ba Filipina tanba ha’u hatene katak ha’u fila ha’u sei hetan oho hosi ha’u nia Governu nia ema ,” katak Teves liu husi kompferensia imprensa, segunda (22/05/2023)
Teves esplika tan katak, antes nia governador ne’e mate iha dezembru 2020, nia (Teves) ko’alia ona iha social media katak sira koko ona atu tau evidénsia iha ninia uma atu bele persege iha 12 Janeiro,
“Ha’u halo konferénsia imprensa hanesan ne’e iha Filipina katak iha tempo ne’eba sira hakarak tau buat ruma iha ha’u nia uma atu bele uza hanesan evidénsia hasoru ha’u katak ha’u Involve iha kazu oho guvernador. Ha’u hatene momemtu ne’eba katak politikamente sira hakarak oho ha’u Sira laiha evidénsia alegasaun too ohin loron seidauk iha keixa ruma ba Tribunal hasoru ha’u,” Teves deklara.
Teves Esplika, tan ne’e nia mai Timor hafoin fila hosi Amérika hodi halo tratamentu saúde iha Amérika, maibé nia rona governu nia ema iha Filipina atu oho nia, nue’e nia ho familia deside halai mai Timor Leste ho aviaun privadu hodi asegura an husi risku.
“Ha’u Mai Timor la’os halo ligasaun ho membru governu ruma maibe ha’u iha kolega ida ema sivil , ha’u mai mos ha’u ho aviaun privado laos mai hanesan ho VIP,” nia dehan.
Hodi dehan, nia mai Timor Leste tanba iha konstituisaun konsagra as makas diretus umanus, “ha’u fiar katak ha’u fiara nasaun ida ne’e nasaun respeita direitus umanus no ha’u hatene sidadaun Timor sempre simu Prémiu Direitus umanus,” tenik.
“Kona-ba asean ha’u la fiar, katak ha’u nia situasaun, sei sai problama Timor Leste nian ba Asean, tuir ha’u nia haree buat di’ak ida ba Timor Leste, tanba Timor Leste sei kuiñesido tane as direitus umanus, Sekretáriu justice Filipina tau naran ida mai ha’u hanesan terorista Iha Governu nia ema balun buka hela maneira atu kria evidénsia atu bele hodi ha’u ba prizaun kuandu iha prizaun sira sei oho ha’u, tanba ne’e ha’u tenke buka fatin ida halai mai Timor Leste, Ha’u fiar katak nasaun ida se sai fo fatin ida seguru ba ha’u hodi fo ajiliu no fo , fatin ida mai ha’u seguru ha’u ho ha’u nia familia, Ho fiar katak nasaun ida ne’e sei fo fatin seguru ida ba ha’u, se husik ha’u hela iha nasaun ida ne’e ha’u oferense ha’u nia an atu ajuda iha maneira ne’ebe mak ha’u bele lao ho profema finanseiru ruma, ohin ha’u sei aprezenta pedidu ida kona-ba ajiliu polítiku ba Tribunal, maske antes Governu liu husi servisu Imigrasaun Timor Leste indefere,” Teves hakotu.
Relasaun Nuticia : Timor Oan Balun Fasilita Terorissta hosi Filipina Tama Timor Leste – Lafaek News Lafaek News
Jornalista : Acacio Pinto
Editor : Agapito de Deus
