Lafak News–Pasiente Ospital nasionaol Guido hamutuk atus rua resin (200) la vota tanba naran laiha lista vonate, maske lista submeter on aba STAE hamutuk pasientes 244.
Antes iha loron 12 Maio mai karik Hospital Nasional Guido Valadares submete lista pasiente hamutuk 244 ba STAE atu hetan Direitu ba vota inklui ho familia ida, maibé infelizmente votantes atus rua resin la konsege ezerse direitu.
“Total Pasinte ne’ebe agora dadaun baixa hela iha HNGV ohin dadeer ha’u Update hamutuk 311, husi sira ne’e balun vota balun la vota tanba lista la tama STAE, maibé mai iha loron 12 too ohin loron 21 total Pasiente 3011, hosi ne’e 200 mak la ba tuir votasaun, tanba pasiente balun alta no foun most tama,” haktuir Responsavel Sentru Votasaun iha GNGV ba lafaek News iha sentru Votasaun iha salaun enkontru HNGV, Domingo ba Lafaek News 21/5/2023.
Responsável haktuir, nia parte tenta STAE ho razaun pasientes sira baixa la permanente, nune’e parte STAE resposta tuir lei eleitoral molok loron 20 tenke submeter ona lista votantes ba STAE hodi halo revizaun, maibé submisaun lista la tuir kriteira ne’e, nune’e pasientes kuaze atus rua resin la konsege ezerse sira nia direitus votus.
“ Ami mos tenta nafatin STAE tanba ita hatene Ospital pasiente lapermanente entaun ami ba STAE hodi tenta nafatin maibe sira dehan lei eleitoral lista hotu hotu Submete ba STAE dia 20 tenke hatama ona, entaun sira mai dia 12 Maio mai leten laiha direitu ba vota,” nia relata.
Ligadu ho kestaun, responsável husi sentru votasaun HNGV ne’e mos sujere ba STAE atu hadia lei eleitoral ho mekanizmu votasaun iha tinan lima mai oin nune’e pasiente sira labele lakon direitu votus.
“Husu ba STAE atu hadia lei Eletoral no mekanismu votasaun tanba pasinte barak la vota. Tanba lei ida ne’e mak tenke hadia fila-fali ho razaun pasinte ne’ebé mai iha 12 mai leten pasiente barak mak la vota,’” akresenta.
Parte seluk Pasiente iha salaun Curuggia Geral Hospitál Nasional Guido Valadares (HNGV), Emilia Nunes Monis hosi Suku Lahane Belavista, sente lamentavel tanba la ezerse nia direitu hanesan sidadaun ho razaun lista votantes laiha.
Iha fatin hanesan, Pasiente ho naran Manuel Lemos de Jesus husi suku Dukurai postu administrativu Letefoho, munisípiu Ermera ne’ebé da-daun halo hela operasaun ba nia moras iha HNGV, haktuir mos katak nia ho nia fen mos la vota tanba naran laiha lista, maske tama iha HNGV iha loron 15 fulan Maio 2023.
“ Sira dehan ha’u labele tuir vota tanba ha’u ho ha’u nia fen nia naran la tama iha lista, ha’u mai baixa iha HNGV iha dia 15 no iha 16 opera ba moras Hernia ne’ebé afeita ba ha’u iha parte hussar, Ha’u sente lakon direitu vota, maibé ha’u pasiénsia tanba ha’u moras ,” pasiente ne’e lamenta.
Entretantu, tuir dadus pasientes ne’ebe HNGV Submettidu ba STAE hamutuk 224, inklui família ida ho pasiente ida ninia naran subemete hotu maibé la tuir votasaun, nomos ekipa médiku HNGV nian hamutuk 420 no dadus atual pasiente iha GNGV hamutuk 311 inlui labarik hamutuk 37.
