Ermera-(Lafaek News) – Komunidade aldeia Teur suku Koliati postu administrativu Hatulia, munisípiu Ermera, kria tan debu ho kapasidade billiaun litru hodi fornese bee matan hamutuk 9 atu evita krize bee moos iha tempu bailoron naruk.
“Debu ne’ebé maka ha’u ho ha’u nia komunidade ke’e ne’e iha debu bo’ot tolu iha aldeia rua maka hanesan Manuleta, Teur, ne’e sei koileta bee litrus biliun ba biliaun maka infiltra ba rai laran hodi fornese bee ba bee matan sira, dehan xefe aldeia Teur, Julio Madeira ba Lafaek News iha banhira kee debu iha suku Koliati, Tersa (27/10/2020)
Xefe aldeia Koliati esplika katak tempu bailoron suku ne’e rasik konsume de’it bee matan natural sira, maibé bailoron naruk sempre maran, tan ne’e nia organiza komunidade sira servisu voluntáriu kee rai halo hanesan kolan tradisional ne’ebé kapasidade bele akumula bee ho litru billiaun atu bele fó forsa ba bee matan sira ne’ebé sempre maran iha tempu bailoron naruk.
“Bailoro ami arasaka ba bee mós tanba ne’e tempo udan agora ne’e ami aproveita hodi halo debu atu bele infiltar bee ba rai okos hodi hamoris fila-fali ba ami nia bee matan sira tanba ne’e ami fiar katak tinan oin ami ami sei la susar ba bee mos tanba ami kontinua konserva bee debu ne’e ma kami kria ona iha aldea rua” dehan Xefe Aldea Teur.
Akpatasaun udan ben ba debu ne’e fasilita husi PERMATIL husi nia diretor ejekutivu Ego Lemos ho nia tékniku sira maka durante loron tolu hamutuk ho komunidade hodi kee direta debu tuan sira iha suku koliati.
Observasaun lafaek news nota bee debu ne’e maka komunidade kee hamutuk ho PERMATIL iha aldeia Manulete debu ida ho nia medda 64x40x1,5-metru no iha aldeia Teur debu rua ho medida 34x20x1,5- metru no 35x17x1-metru.
Jornalista : Acacio Pinto
Editora : Nelya Barros
