Lafaek News—Diretór Ezekutivu, Permacullture Timor-Lorosa’e (PERMATIL), Eugenio ‘Ego’ Lemós, informa kuda ai-teka besik bee matan posibilidade bee matan sei maran tanba ai-teka ne’e rasik xupa bee iha rai okos.
“Durante ne’e ita laiha edukasuan ida ne’ebé diak ba iha ita komunidade kona-ba ai saida mak ita bele kuda iha bee matan no ai ida ne’ebé mak ita labele kuda, no ita nia ministeriu agrikultura diresaun florestal introdus ai-teka dehan ai ne’e karun maibé ai resik xupa bee bark liu do que ai sira seluk no iha ne’ebé de’it ai-teka barak paisajen la furak kedas rai ne’e sai krekas no at tanba ita la komprende kona-ba karakter ai-sira ne’e,” esplika Ego ba Lafaek News, iha nia knaar fatin, Farol, Segunda (17/08/2020)
Nia sujere ba komunidade sira atu labele kuda ai teka besik bee matan sira atu labele xupa bee iha rai nia okos ikus mai transforma ambiente la saudável no halo rai krekas.
“Ita nia komunidade labele kuda ai-teka iha mota ninin no bee matan sira tamba impaktu ladiak ba bee ne’e rasik no hau sijere atu komunidade kuda ai sira seluk hanesan ai- kakeu, ai-fau, boro ai-dik, hali no kulu. Tamba au hirak ne’e mak bele konserva bee no fornese bee ba bee matan sira atu labele maran iha tempu ne’ebé bai loron”
Nia saliente ai-teka la konserva bee no nia sei xupa rai uut no bee hotu ne’ebé iha rai okos no sei fo impaktu mós ba irrigasaun, governu aloka orsamentu tokon ba tokon hodi aloka ba investimentu setor infra-estrutura maibé sai monumentu de’it tan laiha manutensaun ne’ebé di’ak
“Investimenttu tokon ba tokon ne’ebé halai ba infraestrutura ba bee hanesan ohin hau temi tanke pois dada pipa kilo-metru ba kilo-metru no fim sai monumentu mak barak bainhira bee matan sira maran entaun ita haree komunidade sira barak mak halerik ba bee mós,” dehan Ego Lemós
Jornalista : Anselmo Monteiro
Editora : Nelya Barros
