Lafaek News – Xefe Suku Dare Gil de Araújo, Agradese ba Permakultura Timor-Leste,(PERMATIL), ne’ebé kiria ona atividade Konservasaun bee no akaptasaun udan been, iha suku Dare, Postu administrativu Vera Cruz munisípiu Dili, ba futuru jerasaun foun hodi asesu bee ho dignu.
Autoriedade lokal ne’e, orgullu ho Prezensa PERMATIL iha fatin Dare hodi halo konservasaun bee hodi hamoris hikas bee matan sira no ai horis ba komunidade sira.
“Ha’u agradese boot ba PERMATIL ho nia ekipa tomak ne’ebé mak durante ne’e halo servisu hamutuk iha fatin ne’e, ha’u louva tebes iha suku Dare tanba atvidade ida-ne’e foin primeira vez harii konservasaun bee,”esplika xefe suku Dare, Gil de Araújo, tersa-feira (06/10/2020).
Autoridade lokál hamutuk ho Premakultura Timor –leste (PERMATIL), fó apoiu ba malu mak ohin loron fatin sira ne’e sai fatin konservasaun bee, no iha dunik rezultadu iha suku Dare, maske ituan maibé bele uza to’o oras ne’e.
Fatin hanesan, Diretor ezekutivu PERMATIL, Eugenio Lemos, hatete, Timor –Leste kada tinan sempre halerik ba bee, maibe lolos ne’e bee iha, tanba la halo akaptasaun udan been, entaun kada tinan sempre hetan udan been, maibé lori bee ba hotu tasi.
“Bee mak moris, la iha bee ita sei la moris, hanesan ita hemu be’e nia metin iha ita nia kabun, nia sai bainhira ita soe foer kiik no kosar, entaun hanesan mós rai kuandu iha akaptasaun barak iha fatin-fatin kuandu udan been tun nia sei fo hemu ba rai, no sei halo rai sai buras, ita la kuda ai mós ai barak mak moris de’it,” dehan Ego Lemos
Ego Lemos hatutan tan, ema la hemu be’e nia sei sai fraku, hanesan mós rai kuandu la iha bee mak rai sei krekas no ruin, no saida de’it mak kuda iha ne’eba sei la moris.
PERMATIL rasik hamutuk ho komunindade sira ke ona be debu iha Timor, no hahú dadaun ona iha Dare no mos fatin seluk, no dezembru tinan kotuk liu ba PERMATIL konsege kria ona konservasaun bee matan lubuk ida no halo mós akaptasaun udan been hamutuk 21 ona no hamoris bee matan lubuk ida ona.
Artista Timor-oan ne’e kestiona, tanba durante ne’e guvernu gasta osan barak liu ba infra-estrutura bee meibé to’o fim bee matan sira maran nafatin no infra-esttrutura sira sai monumentu hotu.
Aktividade loron Primeru ba akompamentu Dare partisipa husi Autoridade lokal Sekretraiu estadu Meiu ambiente Demetrio de Amaral, Diretor jeral Agua saneamentu Gustavo da Cruz, Diretor Jeral Juventude Desportu, administrador postu Vera Cruz, partisipante hosi municipio inklui RAEOA.
Jornalista : Sandi Belo
Asisténsia Editór : Egidio Nono
