Lafaek News—Orden komandante Jerál Polísia Nasionál Timor Leste (PNTL), komisáriu Faustino da Costa, katak PNTL hotu tenke tuir vasina astrazeneca.
Ho orientasaun komandu PNTL ne’e nian, ikus mai iha loron kinta (15/04/21), Segundu Komandante PNTL Munisipiu Dili, Superintendente Euclides Belo, simu vasina astrazeneca tuir orientasaun husi irarkia PNTL nian.
“Horisehik Komandante Jerál PNTL fo hatene ona membru PNTL hotu obrigatóriu tenke tuir vasina tanba vasina ne’e ninia efetivu pozitivu no haforsa ita nia saúde hodi garante seguransa iha rai laran,”Dehan Segundu Komandante Euclides ba jornalista hafoin halo vasina iha KMD kaikoli Dili, kinta (15/04/2021).
Superintendente Euclides deklara, membru PNTL munisípiu Dili kompostu husi diresaun lojistíka, gabinete PNTL munisípiu Dili, administrasaun no diresaun sira seluk simu ona vasina astrazeneca.
“Ha’u sente diak hela no komfortavel tebes tanba ha’u sente oin la halai no halo ha’u semangat atu halao servisu,” Euclides apresia.
Jornalista : Orlando Magno.
Editor : Agapito de Deus
