Lafaek News–Estudante Fakuldade Siénsia Sosiais Universidade Nasional Timor Loro sa’e (UNTL) halo asaun protesta hasoru reitór ho razaun laiha fasilidades universidade ba estudantes la kompletu.
Asaun protesta ne’e estudante fakuldade siensia sosiais kampus merah, kuarta (08-06-2022) tanba laiha menus sala de aula projetór, kadeira no meja, tanba estudante ne’ebé ho kuantidade barak husi 2019 to’o ohin loron 2022 seidauk hetan atributu hanesan almamater, kartaun estudante no manuál estudante.
Ami mai eziji ami-nia direitu ne’ebé parte universidade seidauk responde ba ami estudante sira, liu-liu ba fasilidade sira ne’ebé maka ami estudante sira presija atu fasilita ami iha prosesu aprendisajem durante iha prosesu aprende. Aleinde ne’e ami ejizi ba universidade laos de’it ba meza, kadeira de’it maibé projetór no livru ne’ebé iha bibleoteka sei menus, kartaun estudante sira ate a data sira seidauk simu, tanba estudante sira atu ba asesu iha bibleoteka presija kartaun estudante,” dehan Ijaias Agusto Freitas.
Tuir Ijaias katak estudante sira sempre sai vítima ba prosesu hirak ne’e, almamater mos estudante sira seidauk simu hahú husi 2019 to’o 2022 difikulta estudante bainhira atu ba peskiza, tuir seminariu no workshop presija uniforme dala barak halo estudante sira lakon oportunidade importante sira ne’e tanba ne’e estudante ne’e husu atu parte universidade responde lalais preokupasaun.
Ami husu universidade atu responde imediatamente ho lalais iha tempu badak nia laran se sira la responde ami sei mobilija tan kolega sira halo asaun ida ke hapara tiha prosesu aprendisajem durante to’o semana ou to’o fulan para sira bele responde lalais estudante nia preokupasaun atu nene’e prosesu sira bele lao normal fila-fali,’’ nia hakotu.
Entretantu, lafaek news tenta konfirma ho reitor Universidade Nasional Timor Loro sa’e (UNTL), maibé labele responde tanba reitor rasik asiste hela serimonia graduasaun mestradu.
iha fatin hanesan, senadu fakuldade Siensia Sosiais, Antonio dos Santos Loko hateten, intensaun husi asaun pasifika ne’e estudantes ezije hodi husu sira nia direitu.
“Ohin ami mai iha ne’e halo asaun pasifika hodi ezije ami nia direitu ba universidade kona-ba almamater ho kartaun estudante ne’ebé mak estudante tinan 2019 no 2020 to’o mai iha tinan 2022,seida’uk iha kartaun ho almamater”,dehan Senadu Fakuldade Siènsia Sosiais, Antonio dos Santos Loko iha Kampus Central UNTL.
Nia hateten Asaun pàsifika ne’ebé halo hasoru universidade hodi ezije direitu estudante sira nian kona-ba kazaku Almamater ho kartaun estudante sira nian ne’ebé mak tama iha tinan 2019.2020 no 2021 to’o mai iha tinan 2022 seidauk hetan Kazaku Almamater ho kartaun estudante, Problema seluk,laiha sertifikadu oriéntasaun no manual akademiku fahe ba estudante sira,tanba ne’e mak estudante sira ezije ba universidade aselera lalais preokupasaun estudante sira nian.
Senadu Faculdade ciênçias Sociais Antonio dos Santos Loko akresenta tan katak,fakuldade siénsia sosiais iha mós problema seluk hanesan aula ladun diak ba estudante sira hodi hala’o aprendizajen,tanba aula balun klot labele akumula hotu estudante sira,pasiensia estudante balun tenki hamrik hodi tuir aprendizajen.
Problema hirak ne’ebé mak estudante sira hasoru, sira nafatin ezije ba universidade hodi tetu no foti dezisaun hodi fó solusaun ba problema ne’ebé mak estudante sira hasoru.
Ohin laiha solusaun aban ami nafatin mai ezije ba universidade hodi responde ba problema ka kestaun ne’ebé estudante sira hasoru hanesan kazaku almamter,kartaun estudante sala de aula,dehan Senadu
Observasaun husi estudante estajiadu UNTL,Iha fatin asaun pasifika ne’e estudante sira lori ho espanduk hakerek ho liafuan oioin hodi eziji sira direitu ba universidade. No partisipa iha asaun pasifika ne’e, estudante husi fakuldade 9 ne’e, no marka prezensa Masimu husi estudante Fakuldade Edukasaun Arte no Humanidade (FEAH) no Facudade Ciênçias soçiais (FCS) no fakuldade sira seluk reprezenta husi Senadu fakuldade.
Estajiadu : Jeconias Lolo/Filipe Soares
Editor : Agapito de Deus
