Lafaek News–Negosiante Aileba Valentin de Jesus husi postu administrativu Lekidoe munisipiu Aileu hateten atu muda ekonomia uma laran husi krize ba di’ak labele moe no tenke pasiensia leba sabraka la’o haleu sidade iha loron manas laran atu ema bele sosa hafoin hetan osan sustenta nesesidade uma laran.
Bainhira atu hetan moris di’ak mak tenke luta hanesan funu ida, halo funu hasoru loron manas, funu hasoru difikuldades oi-oin hafoin bele manan funu signifika moris diak iha ambiente ekonomia saudavel haksolok ho familia iha situasaun dame no amizade nia laran, maibé tenke ho Pasiénsia Sei Lori Bénsaun Ba Futuru Ho Ekonomia Natoon Ba Moris.
Sbaraka ne’e ha’u faan loron tolu hotu, ha’u kontinua hola hodi faan fali atu nune bele sustenta alin sira nia eskola nebe presija ba osan bemo,fotokopi,no hahan sira nomos ba Inan Aman nia presija iha foho hau mos ajuda hodi hadia ami nia uma iha Aileu, dehan nia”.
Valentin haktuir, sabraka ne’e ema lori husi posto Administrativu Liquidoe no sira hola tutan fali, iha Balde ida preso $ 60,no osan funan $15.0 bele mos $20 no sabraka nee sira faan kada sabraka iha talin ida fuan haat ho folin $1.00 no sabraka fuan liman ho folin $2.00, no kada loron ida sabraka folin $ 5.0 de it.
Nia haktuir, atu hadia ekonomia familia keta moe hala’o negosiu iha dalan publiku, se mak moe nia moris sei laiha mudansa, sei iha impedimentu ba sustentabilidade moris lor-loron, Timor oan ne’ebé eskola tenke ho intergidade fokus ba estuda hodi kontribuisaun ba prosesu dezenvolvimentu nasional, maibe tenke aprende mos halo negosiu hodi hadia moris, tanba aban bainrua matenek sei barak servisu kantor tuir sorte de’it.
Estajiadu : Angela Carvalho
Editor : Agapito de Deus
