LafaekNews--Governu Timor Leste liu husi Ministériu Finansas (MF) realiza enkontru bilateral periodu 2022 nian ho parseiru dezenvolvimentu ho nia tema rekuperasaun ekonomia no hamutuk ho sosiedade ne’ebé rezilente iha kbiit atu forte liutan hasoru mudansa klimátika
Enkontru parseiru dezenvolvimentu, enkontru bilateráis,tinan ida ne’e ho tema oinsa rekupera ita nian ekonomia hamutuk no mos oinsa ho sosiedade ida ne’ebé mak resilente, tanba ita hatene katak ita nia nasaun oan ida ne’e mos hetan impaktu makas husi mudansas klimatikas”, dehan Ministru Finansas Rui Augusto Gomes hafoin remata enkontru semanal ho Prezidente Repúblika José Ramos Horta iha Palásiu Prezidensiál bairo-pite tersa (07/06/2022).
Tuir Governante ne’e esplika, ida ne’e presiza hadia, oinsa buka meius hamutuk ho parseiru dezenvolvimentu sira alinha programa sira ne’e, halo ita nia sosiedade ne’e resilente ka forte liu bainhira hetan soke sira hanesan mudansa klimatika.
Presidente Repúblika mos aseita atu fo mensajen balun iha ne’eba ko’alia konaba prespetiva PR nia ba dezenvolvimentu Timor-Leste, ba aban bairua ba nasaun, no foka mos ba nutrisaun ba labarik-sira no inan sira.
MF Rui deklara, iha ne’eba apresentasaun lubuk ida sei lansa roteiru kona ba politika Finansas publikas nian, ko’alia mos kona ba kadeia de valor, produtos sira ne’ebé halo iha Timor-Leste too iha konsumidor sira, ko’alia mos kona ba adaptasaun klimatikas, ko’alia mos kona ba aspektu nutrisaun, liuliu ba labarik-sira no inan sira.
Parseiru balun iha rai laran, no resilente iha Singapura,Jakarta, balun sei akompania husi video komferensia, balun sei mai parseiru sira mak ita nia Embaixadór sira ne’ebé iha rai laran no multilaterál ne’ebé mak durante ne’e ajuda Timor-Leste”, esplika MF Rui Gomes ba jornalista.
Entretantu reuniaun parseiru dezenvolvimentu ne’e hahu ohin, sei kontinua too loron sexta iha salaun Ministeriu Negósiu Estranjeira Kooperasaun (MNEK).
Jornalista : Rita Moniz
Editór :Agapito de Deus
