Lafaek News–Akademista Universidade Nasionál Timor-Lorosa’e (UNTL) Departamentu Dezenvolvimentu Komunitária, Julio Aparicio, konsidera Negosiasaun entre governu ho Xanana Gusmão, kona-ba mate isin Armindo Borges, sai lisaun ida ba lideransa jerasaun foun sira.
“Ba ha’u ne’e hatudu katak ne’e hatudu kooperasaun di’ak entre part governu ho maun boot Xanana tanba governu mós konsidera maun boot Xanana hanesan ema ne’ebé patrimóniu estadu, no ida-ne’e hatudu katak, sira rona malu no respeita malu no ida-ne’e fo lisaun id aba jerasaun foun abn bainrua se de’it mak ukun bele respeita sidadaun ida-idak tuir kultura Timor nian,”dehan Julio Aparicio, ba lafaek news via telefone, kinta (15/04/2021).
Nia parte konsidera negosiasaun entre parte Kay Rala Xanana Gusmão ho governu hanesan lisaun ida ba futuru, bainhira se de’it mak mosu mai ka defende nia direitu no ninia dignidade tenke rona no konsidera hodi nune’e bele dignifika povu kiik sira.
Enkuantu governu liuhusi Sentru Integradu Jestaun Krize (SIJK) halo ona negosiasaun lider karismátiku Kay Rala Xanana Gusmão, família hodi ba haloot iha simetériu Manleuana tuir kultura nian, maibé tuir protokolu ministériu saúde no Organizasaun Mundiál Saúde(OMS), hanesan uza maskara, distánisa fíziku no fase liman.
Entretantu, família lori fila ona matebian Armindo Borges ba Hakoi iha semitériu Manleuana, tanba hetan ona autorizasaun husi governu tuir ezijénsia Kay Rala Xanana Gusmão, ho família matebian katak rezeita halot iha semitériu Covid-19 Hera.
Iha prsesu funebre halot mate isin Armindo Borges ba nia rezidénsia akompañia husi médiku balu, membru governu, parte igreja inklui lider karizmátiku Xanana Gusmão, no hetan seguransa másimu husi parte seguransa.
Jornalista : Orlando Magno/Egidio Nono
Editór : Agapito de Deus
