Lafaek News—Kinta (15/05/21), Sentru Integradu Jestaun Krize (SJIK), entrega hikas matebian Armindo Borges, ne’ebé sai polémika hafoin lider karimátika Kay Rala Xanana Gusmão, hamutuk ho família matebian lansa asaun ezijénsia hasoru SIJK perante loron 4 iha Sala Izolamentu Vera-Krúz, ikus entrega duni mate isin ne’e ba família hodi haloot tuir kultura Timor Leste.
Mate isin Armindo Borges tula iha ambulansia ne’e hafoin entre husi SIJK ba familia hodi haloot tuir kultura no tuir mso protokolu ne’ebe fo sai husi OMS ho MS. Imajen Orlando Magno.
Molok iha solusaun, eis Prezidente Repúblika Kay Rala Xanana Gusmão, muda toba fatin provízoiu ba Kaikoli durante kalan tolu loron haat, la retira husi sala izolamentu Vera-Krúz hodi toba iha estrada laran ne’ebé nakonu ho tahu nurak no rai-rahun leten.
Ho nune’e, ohin kinta (15/04), lider karimátiku Kay Rala Xanana Gusmão pronunsia katak situasaun ne’ebé sai polémika entre família matebian ho Sentru Integradu Jestaun Krize (SJIK) iha ona solusaun pozitivu entrega hikas mate isin Armindo Borges ba família hodi prosesa funbre.
“Parte SIJK entrega mate isin ba familia hodi funebre tuir kultura ne’ebe maka iha no tuir ita nia konsiénsia hodi nNafatin tuir protokolu ne’ebé maka iha,” afirma lider karimátiku ne’e hafoin simu mate isin Armindo Borges iha sala izolamentu Vera-Krúz Kaikoli Dili.
Eis Prezidente Repúblika ba dahuluk ne’e fundamenta katak, nia parte hakarak partisipa kombate covid-19 hodi fo fali fiar foun ba povu hodi tuir nafatin protokolu ne’ebé maka ministériu saúde fo sai,” eis PM ne’e.
Xanana Gusmão mós rekoÑese katak, asaun ne’ebé nia halo nu’udar edukasaun sívika ida, más não violenta de protestu, iha esatdu de direitu demokrátiku iha ne’ebe de’it hanesan ne’e, “Ne’ebe Ita hotu tuir no labele inventa estadu de direitu demokrátiku,” katak nia.
Lider nasionál ne’e hateten, estadu direitu demokrátiku mosu seidauk ukun an, tanba ne’e maka la halo tuir, ema hotu temi estadu direitu demokrátiku, demokrasia la’os halo ona violénsia ona.
“Ita la halo violénsia maka Ita respeita maun polísia sira, ne’e duni Ita hotu ajuda nafatin estadu governu, saúde no polísia bainhira Ita atu tuir regras ho Ida ne’e ita nia kompremísiu boot liu, ho Ida ne’e ita labele dehan covid-19 laiha, maibe tuir nafatin protokolo ne’ebé maka parte SIJK fo sai,” katak eis komandante em Xefe das Falintil ne’e.
Obervasaun jornalista lafaek news iha sentru izolamentu Vera-Krúz nota parte família matebian ho governu halo koordenasaun di’ak tebes atu halot mate isin iha semitériu Manleuana tuir lisan no kultura ne’ebé sira iha.
Jornalista : Aniceto dias/Orlando Magno
Editor : Agapito de Deus
