Lafaek News–Association of Chines Enterprises in Timor-Leste (AEC-TL), ne’ebé apoiu Bee moos ho marka Aqua fresca hamutuk Kaixa 300 ho osan $.15.000.00 mill ba governu liuhusi Sekretáriu Estadu Protesaun Sivíl (SEPS), hodi apoiu ba komunidade ne’ebé afeta ba vitima ba inundasaun
Sekretáriu Estadu Protesaun Sivíl (SEPS), Joaquim José Gusmão, informa, governu apresia ba Association of Chinesse Enterprises in Timor-Leste (AEC-TL), ne’ebé entrega Bee ho marka Aqua fresca hamutuk Kaixa 300 ho osan $.15.000.00 ba SEPS, atu apoiu ba vítima sira foin lalais hetan afetadu husi inundasaun iha loron 4/04/2021, ne’ebé hetan afetadu
“Ha’u apresia ba ita nia parseiru sira liu-liu AEC-TL ne’ebé apoiu ita ohin entrga ona bee mos kaixa 300 no osan $.15.000.00 atu apoiu ita nia vítima sira ne’ebé foin lalais 04/04/2021 afetadu inundasaun iha Dilii laran inkluí minisípiu sira hotu,” dehan SEPS Joaquim ba jornalista iha edefísiu SEPS Kaikoli Dili, Kinta 15/05/2021.
Governante ne’e deklara, Kona-ba orsamentu ne’ebé parseiru sira apoiu mai iha protesaun sivíl Hamutuk dolar rihun atus neen ($.106.000.00), ohin ita simu tan osan rihun sanulu resin-lima ($.15.000.00), osan ne’ebé mak apoiu ona mai, ita sei uza ba operasional liu-liu ba ita nia munisípiu sira tanba ita aloka orsamentu ne’e kada munisípiu hetan $.2.500.00, no durante sasan ne’ebé parseiru barak fo ona apoiu ba SEPS, sira tau hotu iha armajen núne’e bele jere didi’ak ba iha Dili laran no ba munisípiu sira hotu
“Ita fahe ona pakote hahan ba familia sira maibé iha pakote nee inkluí bee mos hodi apoiu ba komunidade sira no ita identifika ona entaun sei fahe kedas hahan matak ne’ebé ita konsentra iha sentru apoiamentu ba evakuasaun, sira balu mos ita maneja atu fahe mos ba vítima sira,” Relata Joaquim.
Ekipa la’o hela hodi apoiu vítima sira tuir SEPS nia orariu, iha Dili laran hahú kobre ona suku barak ne’ebé mak afeta inundasaun tanba ne’e sira la’o nafatin ho rekursu ne’ebé protesaun sivíl iha,esplika SEPS
Joaquim afirma, SEPS iha rekursu limitadu depois dadus ne’ebé tama mai sei halo identifikasaun mak foin ba apoiu ema sira ne’ebé presiza apoiu emerzensia tanba protesaun sivíl servisu hamutuk ho autoridade lokál suku.
“Husu mos pasiénsia ba ita nia komunidade sira hein uituan tanba dezastre nee ita la espera ne’ebé akontese ona mai itamaibé iha tempu badak ita halo oinsá mak bele apoiu ba vítima sira hotu,”Nia promesa.
Enkuantu dadus ba fatin evakuasaun, ema ne’ebé mate, ema ne’ebé lakon, dadus sira ne’e sai husi fontes ida governu nian, tanba dadus hotu-hotu sira emkamiña ona ba ministériu Administrasaun Estatál (MAE), sei halo hotu apoiamentu ba dadus ne’e depois iha oras loro-kraik protesaun sivíl fo hatene sai ba públiku.
Jornalista : Orlando Magno
Editora : Egidio Nono
