Lafaek News–Komunidade suku Fatulia postu Administrativu Venilale Munisípiu Baukau vota tuir protokolu saúde nian hamrik dook malu metru 1 hafoin hakat ba fatin votasaun hodi simu bulletin votu.
Xefe Suku Fatulia, Angelino Moises Pereira informa, Komunidade sira tuir votasaun kumpri distánsia fiziku, bazea ba informasaun husi CNE Ho STAE Koopera hamutuk ho autoridade lokal hotu iha territoriu nasionál inklui autoridade komunitaria suku Fatulia Venilale munisípiu Baukau.
xefe suku ne’e deklara votantes sira hamriik tuir filleria ho dook malu metru ida, maibé votante balun la usa maskara.
”Balun maskara laiha no balun ne’ebé iha mak uza,” dehan xefe suku Fatulia Ba lafaek news iha sentru votasaun Fatulia, sábadu (19/03/22).
Total eleitores rihun ida no total uma populasaun 2725 resin, no total uma-kain 688 kompostu aldea 4 hanesan Bahadato, Uaitobono, Uaituliana no Ossouake.
Observasaun lafaek news nota votantes sira molok tama fatin votasaun ekipa STAE rekoilla pasta no telefone iha liur, molok hakat ba laran no iha sentru votasaun ne’e rasik STAE ho CNE halo mos teste Termo sceaner, fase liman inklui uza hand sanitazer.
Jornalista : Acacio Pinto
Editor : Agapito de Deus
