Lafaek News–Kandidatu Prezidente Repúblika númeru sorteiu 14, premiadu Nobel ba Paz José Manuel Ramos Horta, afirma nia parte prontu simu rezultadu manan ho lakon, tanba desizaun husi povu rasik tenke respeita.
Ita hein rezultadu, ita komesa haree orsida kalan too aban rezultadu ne’ebé mai, hau rasik hakruuk mezmu la favorese karik ha’u hakruuk ba rezultadu ne’e, tanba ne’e desizaun povu nian,’’ katak José Ramos Horta ba jornalista sira hafoin vota iha sentru votasaun Metiaut, sábadu (19/03/2022).
Horta mós hatoo agradesimentu boot ba povu Timor Leste, partidus polítikus hotu ho kandidatus hotu, durante pre-kampania laiha violénsia maske iha insidente balun maibé agora la’os momentu oportunu atu ko’alia ida ne’e, no agradese mós ba observador internasional, CPLP ho Uniaun Europeia ne’ebé akompania situasaun polítika iha rai laran iha ekonomia sosial ne’ebé kontinua parseiru importante ba Timor Leste.
Ho onra, ho orgullu ho esperansa, ha’u mai vota simbóliku, ha’u kontente durante pre-kampaña ita bele hateten laiha violensia, iha insedente balun, maibé la’os momentu atu ko’alia, ha’u parabens ba kandidatus hotu no povu sosiedade no partidus sira,’’
iha Timor Leste Votantes hamutuk 864.754 mak sei ezerce sira nia direito de votu iha loron 19, Aileu : 33.859, Ainaro : 45.949, Baukau : 96.875, Bobonaru : 71.371, Covalima : 47.965, Dili : 191.423, Ermera: 83.213, Lautem: 48.665, Liquica : 51.160, Manatutu : 35.926, Vikeke: 58.564 no RAEOA : 51.653.
Jornalista : Abekha Raihusar
Editor : Agapito de Deus
