Lafaek News–Kandidatu Prezidente Repúblika Francisco Guterres Lú Olo, afirma bainhira simu rezultadu lakon nafatin servisu hamutuk ho PR foun, kampaña hotu ona ita mesak Timoroan, sura de’it votus se mak sai Prezidente Repúblika Timor -oan hotu nia Prezidente Repúblika.
Atùal Presidente Repúblika, Francisco Guterres Lú Olo deklara asuntu ne’e hafoin vota iha sentru votasaun ho nia espoza Cidalia Mouzinho Guterres iha eskola primaria Farol sábadu 19/03/2022.
Kompete ne’e Prontu atu manan no prontu atu lakon, lakon nafatin servisu hamutuk ho ida foun mai ne’e, kampaña hotu ona ita mesak Timoroan, ita sura deit votus ne’e, ida deit mak sai Presidente Repúblika, ita hotu nia Presidente Repúblika”, dehan atùal Presidente Repúblika Francisco Guterres Lú Olo, iha sentru votasaun eskola Farol sabadu 19/03/2022.
Tuir Lú Olo, militante no simpazitantes sira bainhira lakon sira ne’e sempre simu nafatin, resulta saida de’it,hakarak apela ba hotu-hotu, atu vontade iha.
Ha’u vota atu hametin estadu direitu demokrátiku, hodi hadia dezenvolvimentu ida ne’ebé sustentável hodi bele hadia ita nia povu nia moris di’ak”, deklara Lú Olo.
Jornalista : Rita Moniz
Editor : Agapito de Deus
