Manufahi-(Lafaek News )—Komandu Polísia Nasional Timor-Leste (PNTL), munisipiu Manufahi rejistu kazu Krime Iha periodu tinan 2020, Hamutuk 46 kompostu husi kazu violénsia doméstika no asaltu seksual.
Iha entrevista ho jornalista lafaek news Manufahi ho Komandante PNTL munisípiu Manufahi, Joni Viana Das Regras informa, total husi kazu hirak ne’e bazeia ba PNTL Manufahi simu Iha tinan 2020, hahú husi fulan Janeiru too dezembru hamutuk kazu 46.
‘’ Total husi kazu violénsia doméstika no asaltu seksual no tuir nia klasifikasaun maka violénsia doméstika mostratus ba konjuga iha total 14 kazu,iha porsentu 30,44 porsentu, ofensas intergridade simples total 12 kazu iha porsentu 26,9. no mos husi kazu asaltu seksual total iha 4 ninia oporsentu 8,60 no mos ho asidente trafiku 29 asidentes ne’ebé maka akontese durante tinan ida ne’e,” komandante PNTL Manufahi ne’e kasu lia hirak ne’e ba jornalista sira iha kna’ar fatin Manufahi, Segunda (1/04/2021).
Nia relata tan katak,husi kazu asidente ne’ebé akordu hamutuk 17 no iha seluk hanesan kazu asidente trafegu 2 sei prosesu tuir lei ne’ebé vigora ona iha nasaun Timor Leste, tanba asidente refere rezulta vítima balun mate iha fatin akontesementu.
“Durante iha tinan ida hahú husi fulan janeiru to’o dezembru komandante jerál PNTL munisípiu Manufahi liu husi seksaun tránzitu ita hatama koema ba kaixa estadu hamutuk $ 9.730 mill dollares Amerikanu ba infratór ne’ebé maka kontra kódigu Estrada,” komandante PNTL Manufahi ne’e relata.
Jornalista : Manuel Andrade
Editora : Nelya Barros
