MUNISÍPIU · 3 Jan 2021 06:10 ·

Juventude Zulo Atas Hamutuk Ho Inan-aman Ajuda Kbiit Laek


Juventude Zulo Atas Hamutuk Ho Inan-aman Ajuda Kbiit Laek Perbesar

Zumalai-(Lafaek News)—Juventude, estudante no inan-aman husi suku Zulo Atas, postu administrativu Zumalai, munisípiu Kovalima halo kontribuisaun osan hodi fó tulun ba kbiit laek hamutuk na’in ema na’in 8 iha bairru laran.

Antonio dos Santos nu’udar Reprezentante komisaun organizador ba asaun karidade ne’e, informa, nesesidade ne’ebé estudadnte no juventude Zulo Atas fahe ba kbiit laek sira kontribui mós husi inan-aman sosa foos kilu 1 osan ho osan dolar-1, no hetan apoiu mós husi husi funsionáriu públiku ne’ebé husi suku refere, kada ema fó $.10.

Hafoin Realiza tiha programa haan hamutuk iha loron 30/12/2020, kontribuisaun ne’ebé inan aman fo ba joven no estudantes sira sei iha restu foos saku ida no osan $.67, ikus mai mosu hanoin husi  joven no estudante sira ne’e hakarak ajuda ba kbiit laek sira, maibé ikus mai kosege realiza fó duni apoiu ba ema kbiit laek sira iha suku Zulo Atas.

“Ami halo ona sorumutu entre juventude estudante ho inan aman sira tanba ami nia foos ho osan balun sei iha restu entaun ami fornese fali ba kbiit laek hanesan ajudasaun sosial mai husi inan aman, maibé inisiativa mai husi ami juventude sira,” dehan Antonio ba Lafaek News iha nia rezidensia Zulo knua Kovalima, sabado, 02/01/2021.

Nia relata, nesesidade bázika ne’ebé Juventude ajuda ba kbiit sira mak hanesan foos kilo 7 ho Sedaap dos 1 kada ema nain ida, Kbiit laek sira ne’e iha zulo Atas suku Zulo kompostu husi aldeia 4 hanesan, Aldeia Lale kbiit laek nain 2, Obukmil na’in 2, Leogol na’in 2 no aldeia Zulo Taz kbiit laek na’in 2.

Juventude hirak ne’e mós kompromete katak parte foin sa’e husi Zulo Atas sei la kontribui ba hahalok krime no sira hakarak kontribui ba dezenvolvimentu iha paz no dame nia laran nune’e hodi kontinua asaun karidade ne’e ba iha suku refere no kontinua ba suku seluk iha parte Zumalai nian.

 

Jornalista     : Orlando Magno

Editora          : Nelya Barros

1,593 Views
Artikel ini telah dibaca 50 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL