NOTÍSIA JERÁL · 2 Jan 2021 00:41 ·

Objetivu Estudu Ladauk Finaliza, Olivio Despedida Ikus Ho Familia


Objetivu Estudu Ladauk  Finaliza,  Olivio Despedida Ikus Ho Familia Perbesar

Lete-Foho (Lafaek News)—Objetivu estudu husi univerisdade seidauk finaliza  no ladauk iha rezultadu, Olivio Soares, despedida ikus ho familia sira  iha Semiteriu Hatugau.

Hafoin akontesimentu Kareta Baskolante ARANI ho Xapa matrikula (56884), Baku fila, iha suku Hatugau Posto administrativu Lete-Foho munisipiu Ermera, Kuarta foin lalais ne’e hodi rezulta Olivio ho nia kolega ida mate fatin.

Matebian Olivio Soares Moris iha Hatugau iha loron 16/06/1997, Lete-Foho munisipiu Ermera, oan husi Carlos Soares no Delfina de Jesus husi Uma Lisan Tanente Coronel no Uma Lisan Behali.

Matebian oan ba dala ikus husi mau-alin Nain Lima (5) feto tolu mane rua (2), Kontinua nia eskola iha primàriu iha eskola  Sebastião Lemos Hatugau, iha tinan 2002 to’o 2008, matebian kontinua  eskola iha pre-sekundària 30 Agosto “99” Lete-Foho iha tinan 2009 remata iha tinan 2011. Hafoin remata tiha Pre-sekundàriu matebian kontinua kedas Ensinu Senkundàriu iha eskola Cesar Maulaka Lete-Foho iha tinan 2012 remata iha 2014.

Matebian sai hanesan primeiru klasifikasaun iha munispiu Ermera husi rezultadu Ezame Nasional, hetan oportunidade hodi kontinua iha Universidade Nasional Timor- Lorosa’e (UNTL), Fakuldade Siènsia da Saude, departemento Medicina Jeral.

Matebian Olivio Soares nafatin hatudu ninia prestasaun di’ak, sempre hetan valòr ho notas di’ak,  nu’udar estudante ne’ebè matenek, disiplinadu, koiñesidu ho estudante ne’ebè nonok no kalma, iha relasaun ne’ebè di’ak ho Profesores no kolega sira hotu.

http://asidente-hatugau-rezulta-ema-nain-2-mate-fatin-nain-4-kanek-todan

Iha tinan 2018 matebian halo estagiu iha Hospital Horex Baucau, kontinua pràtika iha HNGV husi 2019 to’o 2020.

Iha Tinan 2013 matebian hola parte iha  Organizasaun igreja nian, nu’udar membru  THS-THM, hodi halibur estudante sira hakbesik an ba igreja no haklaken maromak nia Evanjellu.

Iha Organizasaun THS-THM matebian hanesan Belun ne’ebè di’ak no animadòr ho liafuan ne’ebè Fleksibilidade.

Matebian mòs hetan oportunidade hodi fahe nia  koñesimentu ba foin sa’e sira konaba unidade, pas iha Ràdiu komunidade Kafè Ermera.

Aleinde Matebian halo hela nia pràtika iha HNGV, matebian iha tempu ferias, Oferese ninia tempu hodi atende ninia komunidade rasik liu husi fò konsulta ba iha postu Saude Hatugau.

Matebian mòs iha ona planu atu halo  ninia pràtika ikus HNGV hodi termina ninia estudu 2021, Maibè infelizmente maromak nia planu oin seluk hodi Hakotu nia vida  iha loron Kurta-feira loron 30/12/2020,mais ou menus besik tuku 12 otl.

Moris iha Mundu hanesan bainaka, mate hanesan dalan ikus hodi hetan moris rohan La’ek, hanesan haktuir iha São João Versikullu 14 katak ha’u ba ona hodi hadia fatin ba imi,

 

Jornalista      : João da Costa Soares

Editora          : Nelya Barros

 

 

 

 

 

 

 

 

1,424 Views
Artikel ini telah dibaca 43 kali

badge-check

Editor

Baca Lainnya

CNC!I.P Loke Seminariu Introdusaun Istoria Prezervasaub Povu TL

5 July 2024 - 18:39

FONGTIL Haforsa Kna’ar Sosiedade Sivil iha Dezenvolvimentu Nasional

5 July 2024 - 18:12

APC Kontinua rejista Uma Kain 19 Estraga Husi Dezastre Naturais    

24 June 2024 - 14:22

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Trending di NOTÍSIA JERÁL