Manufahi-(Lafaek News)- Populasaun sira la sente tauk ho atake Pandemia Covid-19 iha mundu inklui Timor Leste, hodi obriga estadu tenke estende tan EE ba da-sia atu evita transmisaun lokál, realidade sidadaun sira la kumpre distánsia fíziku no ema kontinua halibur malu liu na’in 10.
Observasaun jornalista Lafaek news Manufahi nota katak negosiante sira ne’ebé hala’o atividade negósiu iha merkadu Same Villa tuur no hamriik rabat malu no sidadaun balun la uza mascara iha ibun tuir regra ne’ebé fó sai husi reuniaun konsellu ministru ba estadu emerjénsia da-sia nian.
Negosiante merkadu Same villa, Ezidio Corte-real, sente preukupadu hodi afirma regra EE ne’ebé estadu Timor Leste estabelese sidadaun barak la kumpre hanesan tuur iha fatin-fatin sei barak hodi kontra regulamentu distánsia fíziku metru ida.
“Tuir loloos ne’e labele halibur malu tenke tuur iha ida-idak nia fatin hanesan mama malus ida-idak no fuma tabaku mos ida idak nian, labele hamutuk iha fatin ida, maibé situasaun ida agora barak maka la kumpre hodi halibur malu nafatin liu ema nain 10 ba leten liu-liu iha merkadu,” Negosiante Ezidio Corte-Real ba lafaek news iha merkadu Same, Tersa (05/01/2021).
Tan ne’e nia suejere lei estadu emerjénsia governu tenke implenta ho rigoruzu no halo sosializasaun bei-beik, tanba ema barak maka seidauk kumpre .
ENkuantu loron ida tomak hahu husi tuku 8:00 otl jornalista Lafaek News la’o hodi observa direta nota iha edifisiu publiku sira laiha bee fase liman no funsionáriu sira ne’ebé servisu iha munisípiu Manufahi la kumpre distansiamentu fíziku kontinua halibru malu liuema na’in 10 inklui la uza maskra tuir orientasaun husi Ministériu Saúde.
Jornalista : Manuel Andrade
Editora : Nelya Barros
