Lafaek News–Ministru Juventde Desportu, Arte no Kultura, Nélio Isac Sarmentu, reprezenta Primeru Ministru José Alexandre Kay Rala Xanana Gusmão, loke abertura ba festival fronteira 2023 ho lema “Interkambiu Kulturál Hametin Rekonsiliasaun” ne’ebé hala’o iha Maliana Vila.
Hafoin abertura Diretór Ezekutivu Centru Nasionál Chega, Hugo Maria Fernandes, liuhosi diskursu konsidera koperasaun entre Centru Nasionál Chega (CNC) ho Sekretariadu Estadu Juventude, Arte no Kultura pozitivu tebes, espera katak, ho koperasaun ne’e bele realiza atividade ne’e la’o ho di’ak.
“Iha fulan rua liubá Ha’u ba hasoru nai Sekretáriu Estadu Arte no Kultura depois de pose governu dasia, Ha’u husu Sekretáriu Estadu se bele ita halo kopersaun ida oinsá mak bele promove ita nia kultura nomos hametin liután rekonsiliasaun entre Timor Leste, Ha’u agradese ba Sekretáriu Estadu Arte no kultural Nia prontidaun disponivilidade, ho nia matenek tomak fó ba ita hodi ita hamutuk iha fatin ida ne’e, atividade ida ne’e hodi hametin fila fali kultura entre Timor no Indonézia liu-liu iha foroteira, tamba lisan ho kultura laiha Fronteira,” dehan Hugo, liuhosi ninia diskursu bainhra partisipa Festival Fronteira iha Maliana Vila (15/11/2023).
Fatin hanesan, Ministru Juventude Desportu, Arte no Kultura, Nélio Isac Sarmento mos Argumenta liután katak, atividade festival fronteira ne’e, importante tebes atu bele hametin ligasaun entre nasaun Repúblika Demokrátika de Timor Leste ho nasaun Indonézia.
” Bainhira ita ko’alia konabá hametin relasaun ida ne’e ita mos Sente katak, rai ida ne’e iha nia kultura rasik, ita ne’e ko’or ida de’it, maibé ita diferensa tradisaun umanu ne’ebé mak úniku tebes sempre tane a’as ema liu buat hotu-hotu, iha fronteira ida ne’e Maliana sira hatudu ba Timoroan tomak katak nu’udar umana ita tenke respeitu malu no hadomi paz no estabilidade, iha festival fronteira ida ne’e Maliana ho Bobonaro sai uma na’in di’ak hodi simu ita maluk sira husi Timor Osidentál hodi sai hanesan família ida, tamba ne’e ha’u lori Governu nia naran agradese ba Autoridade munisípiu Maliana no Bobonaru ne’ebé haka’as an hodi ita bele realiza atividade festival fronteira 2023 iha ne’e,”haktuir Sekretáriu Estadu Nélio Isac.
Tuir obserbasaun Jornalista Lafaek News iha Treinu nota katak, iha atividade ida ne’e hetan partisipasaun masimu hosi komunidade Maliana ho Bobonaro, nomós iha atividade ne’e partisipa mós hosi Governadór Nusa Tengara Timu (NNT) no Bupati Belu, Malaka, Kefa nomós joven balun hosi NTT, iha atividade seremónia ba festival fronteira abertura ho dansa kultura hosi Rai Timor Leste nomós Indonézia.
Jornalista : Mateus F. de Deus
Editor : Marcos Araujo
