Lafaek News—Sentidu tolu iha loron matebian kompostu husi Lilin, Aifunan no oferese aihan iha kalan 2 fulan Novembru tuir tradisaun sarani katólika Timor Leste nian, sentidu husi lilin atu fo naroman, aifunan sentidu domin nian no orasaun atu husu perdaun ba maromak.
Pe. Mariano Maia hatoo lia hirak ne’e iha nia omilia hafoin selebra misa iha loron 2 Novebru iha kapela Lemorana suku Dare, hodi dehan loron 2 de Novembro sai hansan loron matebian, tan ne’e atu habosu matebian sira tenki liu husi orasaun.
“Dia 2 de novembro kalan ita see matebian, see mate bian ita hala’o ho orasaun atu nune bele habosu matebian, sira mos hanesan ita no hahan sira ne’ebe ita rai iha meza ne’e mos sentidu ida katak ita han hamutuk ho sira maske ita la haree, no halo orasaun ba sira atu nune’e sira hetan perdaun no moris rohan laek iha Maromak nia reinu, no sentidu husi ai funan ne’e katak domin, boot ba sira no lilin nia sentidu atu fo namoran ba sira wainhira sira iha nakukun nia laran, Hateten Pe.Mariano maia iha omilia misa celebra loron matebian nian iha aldeia lemorana DILI 01/11/2024
Nai-lulik ne’e esplika katak loron 2 de Novembro sarani sira hotu sempre lori ai funan ba ida idak nia simitériu tanba ne’e siguransa sira tenki kontrola joven sira ne’ebe lanu labele halo problema iha loron refere no ba rate tenke lori ai fuan ne’ebe fresku, labele lori ai funan masa, tanba matebian sei la simu ai funan masa.
“Matebian simu ai funan ne’ebé fresku, ne’ebé ita kuda rasik, nune mos husu ba ba jovem sira atu labele lanu demais hakmatek iha fatin hodi kari ai funan ba matebaian,” bibi atan sarani ne’e subline.
Observasaun Lafaek News nota, misa ba matebian hahú iha oras 4 lokrai, maibé sira kari ona aifunan iha dader tuku 8 00, maske seidauk iha hetan bensaun husi nai-lulik molok lori ba aifunan ba simitériu ida-idak.
Jornalista : Maria Jose
Editor : Agapito de Deus
