Lafaek News—Autoridade Munisipiu Dili (AMD) servisu hamutuk ho Cámara municipal de Lisboa (CML) no Uniaun das Cidades Capitais de Lingua Portuguesa (UCCLP) inklui União Europeia hala’o mandamentu ba siguransa protesaun Rodoviária iha kapital Dili.
Iha lansamentu ne’e Prezidente Autoridade Munisipiu Dili, Grigório Saldanha iha diskursu katak AMD iha kapasidade atu dezenvolve kooperasaun ho parseiru nasional no internasional atu hasa’e edukasaun sívika iha nasaun Timor Leste.
“Munisípiu Dili mos iha kapasidade atu dezenvolve inisiativa sira ho parseiru dezenvolvimentu sira no parseiru nasional, asaun sira atu hasa’e edukasaun sívika, kontribui atu hakbit ita nia sidadaun sira, iha prátika babain ita haree ema atualiza ladun komportamentu iha ita nia regra sira, ezemplu ema ultrapasa kareta sira liu fali husi karuk, tuir lolos sira liu husi loos no balu atu kurba atu tama kruzamentu nia tama tiha, foin piska tuir lolos ne’e piska uluk hafoin tama, estrada la liu fali husi zebra crosse, maibé liu fali husi dalan babain, tanba buat sira ne’e hotu ita nafatin eduka ita nia populasaun,” Prezidente Munisipiul Dili, Grigório Saldanha iha diskursu iha Hotel Novo turismo Dili, 4/11/2024.
Tan ne’e, subline, foinsa’e sira tenki komprende lalais husi mensajem sira ne’ebé transmite husi Autoridade munisipiu Dili, ho nune’e kampaña tránzitu seguru sei hala’o liu husi vidio sanulu resin lima (15) ho vidio badak ho kontéudu simples ne’ebé sei hatudu, asimetria husi komportamentu sala, no komportamentu ne’ebé loos atu sensibliza kondutor no la’o ain sira atu adopta komportamentu ne’ebé haktuir kódigu estrada tuir orden.
“Husi biban ida ne’e hakarak informa mos katak Autoridade Munisípiu Dili prontu atu disponebiliza vidio kampanha ba komunikasaun públiku atu bele hatutan kampaña iha kanál televizaun nasional, Autoridade Munisípiu Dili mos hakarak kontribui mos atu preta servisu públiku liu husi médiku komunikasaun tradisional atu husik mensajen ba joven sira katak ita hamutuk aproveita oportunidade ida ne’e atu hasai duvidas sira no aproveita fatin debate atu ko’alia no fiar ha’u joven sira mak ita nia esperansa ba futu di’ak liu,”nia afirma
Iha fatin hanesan, reprezentante Embaixada Portugal, embaixadór Marc Fiedrich mos haktuir objetivo ida ne’e foka liu ba seguransa sira ne’ebé hein iha estrada tanba ema barak mak lakon vida iha asidente tráfegu.
“Ho laran kontente tanba ha’u hetan oportunidade partisipa iha inisiativa importante ne’ebe ho objetivu fokaliu atu asegura oinsá prevene movimento ba estrada sira esperimentasaun Kapital Dili, sai hanesan preokupasaun boot ba ema hotu ne’ebé dalaruma afeita diretente ba vida ema hotu nian no oinsá bele hatene mos kona-ba realidade alarmamento asidente ne’ebe halo ema barak mate iha nasaun Timor, no hamenus asidente iha Timor, Ita halo hodi prevene ba sidadaun hotu hotu iha Timor-laran tomak espesialmente kapital Dili,” embaixador ne’e haktuir.
Jornalista : Maria José
Editor : Agapito de Deus
