Lafaek News—Loron 08/02/2026, juventude sira hosi suku Fatuhada no HudiLaran kompostu hosi aldeia 6 hanesan Likarpoma, Laloran, Bitabas, Samatana, Teki-Teki bi Adibil suku Bairo-Pité, postu administrativu Dom Aleixo hala’o juramentu hamutuk iha kapela Sebastiaun Hudilaran atu hakribe violénsia hodi la’o iha paz no harominia iha rai lulik Timor.
Padre Jovito de Jesus do Rego, atividade serimonia kultural ne’e inisia hosi Igreja hamutuk autoridade lokal servisu hamutuk hodi realiza juramentu ba joven sira hodi evita problema hodi hametin unidade no paz hosi ohin ba oin.
“Ohin ami hamutuk ho Xefe Sentru no aldeia 6 reprezenta populasaun no komunidade tomak bairo, Likarpoma, Laloran, Bitabas, Samatana, Teki-Teki ho Adibil no Samatana, ohin halo juramentu promete ho neon-laran tomak katak Moris ho dame no sei la kaer tan fatuk tuda malu no la kaer tan kro’at hodi hakanek malu no sei la uza tan abilidade GAM atu haketak malu, Wainhira la moris tuir no la halo hodi viola mak distinu manu falur ne’ebe ohin fera iha altar oin,” PE.Jovito de Jesus do Rego ba Lafaek News iha kapela Sebastiaun Hudilaran Fatuhada Dili 8/02/2016
Nailulik ne’we, rekoñese joven sira iha area Fatuhada no Hudilaran nakar demais, hemu tua no la kontrolu sira-an baku malu no tuda malu, problema hela de’it pois para tiha lakleur mosu fali, iha tinan hirak liuba, hanoin atu juramentu ida ne’e, maibé la halo entaun KPK sira hamutuk ho Xefe aldeia no UPS ko’alia katak presija halakono atetudi atu nune bele hapara tiha violénsia sira ne’e hodi bele hamoris dame no domin no haree malu hanesan maun-alin,
Sejar Manuel da Silva husi Aldeia Bitaba hatutan juramentu ne’e importante tebes ba joven sira hodi halakon sira nia hahalok brutalizmu ne’ebé sira sempre hatudu ba malu, tan ne’e juramentu ne’e lulik ona tanba ida-idak promesa iha altar lulik maromak nian, tenke kumpri atu lulik sira labele babeur bainhira mosu tan problema.
“Ida Ida ne’e liu husi amu nia ideia atu nune’e bele hapara joven sira atu labele kria tan problema, uluk akontese iha 2008 ami dame ona, maibe joven sira nafatin halo problema nafatin entaun ohin ne’e ami hala’o juramentu ida ne’e Ha’u fiar katak labarik sei iha mudansa, ami kontinua sosializa ba joven sira nune labele kria problema, wanhira kriak nia sei hetan malisan,” autoridade ne’e reafirma.
Observasaun jornalista Lafaek News nota iha prosesu serimonia ba juramentu ne’e, partisipa másimu hosi sarani sira, hamutuk membru Polísia Nasional Timor Leste (OPS) no KPK, sai sasin iha ámbitu juramentu, iha halulik promesas ne’e oho pombu mutin 6 hodi uza ran ne’e fahe ba rua, hodi tau iha aldeia no kapela atu joven sira bele respeita, hotu tiha ida ne’e, regas bee bensaun ne’ebé kahur ona ho pombu ninia ran hodi Nailulik hikis ba kada aldeia iha area Fatuhada no Hudilaran.
Jornalista : Maria José de Jesus
