Lafaek News—Turizmu natureza Rabilau iha laletek Riamori suku Maubisse postu administrativu Maubisse munisípiu Ainaru, ninia furak no beleza dada vizitantes hosi rai liur no rai laran hodi ba haree no sente natureza nia furak ne’ebé falun hela iha Laletek Rabilau.
Auxelear sira ne’ebé bali hela Raibilau hatudu duni sira nia espíritu simu bainaka ho tradisaun Rabilau nian hanesan maninga boot ida dada bebeik ema estranjeiru sira nian fuan hodi hadomi Rabilau liu hosi vizita loro-loron.
Realidade hosi vizitante estranjeira ida ho naran Lucia Manes hosi nasaun United Kingdom UK/England, nia rasik espresa nia sentimentu haksolok iha durante nia prezensa iha laletek Rabilau hodi sente bele husi anin mamar nia shuut, foho lolon sira ne’ebé haleu Maubisse hatudu sira nia furak hosi duut matak ne’ebé falun ho abu-abu nia furak.
“Ha’u hakarak mai vizita fatin úniku no interese iha kultura tanba ne’e mak ha’u hakarak mai vizita Timor Leste, ho kultura ne’e ha’u senti úniku los, no ha’u agradese ba lia nian sira ne’ebe simu ami ho konteti, ami vizita fatin barak ona horseik ami vizita Ramelau no ohin ami mai vizita fali Rabilau, ami husi nasaun oin oin hanesan Amérika no Austrália,” Turista Reinu Unidu Lucia Manes ba Lafaek news Iha Laletek Rabilau Maubisse, 12/08/2025.
Vizitante turista Denitra Era Grasa Moniz haktuir Rabilau fatin ne’ebe hakmatek tan ne’e rekomenda ba parte kompetente atu toma atensaun ba asuntu bee mos iha fatin refere.
“Ha’u haksolok tanba hau senti fatin ne’e fresku tanba bele enjoi no bele ho familia sira Mai halimar iha fatin Ida ne’e no bele mos halao ita nia orasaun hakmatek iha laletek nain feto nian, maibe presija tau atensaun mos ba be’e mos ba haris fatin atunune wanhira vizitante sira mai karik bele sira atu soe bee kiik no be’e mos karik bele atnde lalais ida ne’e,” Denitra sublina.
Turista estranjeiru ne’e fo hanoin ba vizitante ne’ebé vizita fatin Rabilau atu kuidado ambiente, labele soe foer arbiru, inklui nain ba Rabilau atu tau be’e ba haris fatin atu nune’e bele atende lalais vizitante nia prekupasaun
Hatan ba prekupasaun hirak ne’e grupu mahein Rabilau, Carlos Mendonça, hatan katak da-daun ne’e uza haris fatin ida de’it tanba volume be’e la bo’ot atu asesu ba haris fatin hotu.
“Iha ne’e vijitante sira sempre mai barak dalaruma mai to 50 la’e 60 loron babain mai ne’e 10 de’it, balu rai laran, balu rai liur sira mai barak, iha ne’e haris fatin hamutuk 6 no funsiona iha 4 no 2 seidauk hadia,garis fatin 4 ne’e uza ida de’it, tanba volume be’e la bo’ot atu akumula hotu haris fatin ha’at ne’e, ba da-daun ne’e uza hela haris fatin ida “hateten gurupu mahein Fatin Turismu Rabilau ba media tour ne’ebé organiza hosi AJTl no OXFAM ba Rabilau.
Observasaun Lafaek News nota katak, maske fasilidade hirak ne’ebé estabelese iha Rabilau ne’e ladun responde vizitante sira, maibé anutiasmu boot nafatin hosi vizitante sira atu kontinua vizita turismu Rabilau.
Jornalista : Maria José de Jesus
