Lafaek News—IX Governu liu husi Sekretaria Estadu Terras Propriedades (SETP) sei aloka Osan $ 520 mill hodi fo sertifikadu rai nainsira iha tinan 2025.
Asuntu ne’e hato husi Sekretaria Estadu Terras e Propriedades (SETP), Jaime Xavier Lopes, haktuir IX Governu liu husi Sekretaria Estadu Terras e Propriedades sei aloka, Orsamentu ho montante $ 520 Mill hodi fo Titulu Rai-rain ba komunidade sira hodi garante ema nia direitu iha rai pedasuk ida.
“Governu komesa tau ona orsamentu ba tinan 2025 ho montante $520 milloes para atu fo sertifikasaun ba Rai tanba Ami mos hanoin Hela objetivu ikus atu fo ba komunidade Sira Mak saida Mak atu fo Titulu Rai ba komunidade Sira atu garante Ema Nia direitu iha Rai pedasuk Ida Nia leten hodi nune’e Sira bele halo levantentu ruma ou atu hasa’e ekonomia, sira bele halo levantamentu ba iha banku hodi foti netik osan ruma,” SETP Jaime Xavier Lopes relata iha Balide Dili foin lalais.
Governante dehan planu governu iha 2025 sei tau orsamentu boot hodi haree ba asunte sertifikadu ba rai-nain tanba hahu husi tinan 2014 mai to tinan 2019 sistema nasional kadastru nian la’o ona, bainhira atu fo titulu rai nian sei haree ba sira ne’ebé laiha problema ou disputa iha publikasaun mapamentu loron 90, laiha reklamasaun husi ema ruma ida ne’e ténkniku sira ba sei reidentifika tuir dadus ne’ebé iha ona hafoin fo sertifikadu.
“Ami iha Plano ona fo hatene ba tékniku sira atu tun ba reidentifika karik kontratu arolamentu ne’ebé ami fo ona ba sira karik sira halo subarendas fali ba ema seluk ho valor ne’ebé boot ami sei foti medidas atu hakotu nia kontratu ne’e, tanba Governu ho hanoin ida karik Ita nia mina ne maran Ita bele buka reseitas husi parte seluk hanesan terras propriedades nee tanba terras propriedades buat barak mak seidauk los karik buat hotu la’o los reseitas barak mak sei mai husi terras propriedades,” dehan nia.
Entrtentu liagdu ho asuntu ne’e sei Kria lei Ida hodi nune atu bele ema ne’ebé hetan diretu ne’e sira tenki agora ba estadu Timor ne’e labele fo direitu barak, direitu ne’e iha rua de’it mak direitu ba propriedades perfeita ho diretu de uzu, direitu propriedades perfeita ne’e hanesan (hak milik ) ne’e ema ruma atu mai aluga ba halo investimentu nia tenki uza sertifikadu de uzu ne’e mak estadu bele fo tinan hira tanba sertifikadu propriedade perfeita ne’e nia tinan laiha limita, maibé sertifikadu de uzu ne’e nia tuir Kontratu aloramentu ne’ebé estadu fo ona.
Jornalista : Felix Fernandes
Editor : Agapito de Deus
