Lafaek News—Faluk Inosiénsia Abu Pereira moris halerik ho nessesidade moris nian la natoon atu sustenta ninia oan nain ualu (8) ne’ebé nain rua kedan ho kondisaun defisiénsia, sente iis ho forsa la too atu bele sustenta moris loro-loron.
Inosiénsia Abu Perreira husi aldeia Buleku suku Balibo Villa postu administrativu Balibo munisipiu Bobonaro, moris halerik ho oan nain ualu (8), hanesan faluk oan kiak moris ho situasaun tristeza tanba laiha ema tau matan netik ba sira nia moris loro-loron.
Iha entrevista ho jornalista Lafaek News faluk Inosiénsia haktuir, oan hamutuk nain 8, hosi nain ulau ne’e oan nain rua kondisaun defisiénsia, ida estudu iha Universidade Nasional Timor Loro sa’e tanba hetan tulun husi Koperativa Movimentu kamponeses Timor- Leste (MOKATIL), nain ida hela ho nia Avo sira, no nain lima seluk hela hamutuk ho inan faluk.
Iha tempu liu-ba bainhira sira sei moris hamutuk ho nia kaben, nessesidade moris nian la falta, maibé aman doben tenke husik hela sira feto faluk ho oan kiak nain ulau moris mesak ho halerik.
“Ha’u nia kaben mate iha tinan rihun rua 2000 husik hela tristeza boot ida ba ha’u ho ha’u nia oan sira liu liu ba nain rua ne’ebe ho kondisaun Defiénsia Fíziku ha’u sente triste tanba laiha familia tau matan ba ha’u ho ha’u nia oan sira maibe ha’u agradese tanba viziñu sira sempre ajuda tau matan ba ami, no ha’u nia oan ida labele kontinua eskola ba Sekundariu tanba kbi’it la to’o entaun nia hela iha uma atu hare nia alin no nia maun ne’ebe ho kondisaun defiénsia hodi nune’e ha’u bele sai ba fila liman faan ai-farina tahan ai-dila tahan no ai-dila funan nune’e bele sustenta ami nia uma laran se ha’u la halo ida ne’e se mak bele tulun ami laiha ema atu ajuda ami tanba ne’e ha’u tenke fila liman buka osan para aguenta ami nia moris” dehan Inan kbiit laek ba jornalista sira iha Balibo Aldeia Buleku Kuarta (16/10/2024
Inosiénsia Abu Pereira, dehan nia oan nain rua ne’ebé ho kondisaun defiénsia kada semana ida haris dala 2 no han depende ba kbi’it, ho grasa maromak nian konsege hetan ajuda husi Ministeriu Solidariedade Sosial Inklusaun (MSSI) hanesan nesesidade báziku ba sira presiza ba moris nian
Iha tempu hanesan oan hosi Inosiénsia Abu Pereira ho naran Inácia Pereira, tinan 17 konta tuir saida esperiénsia moruk ne’ebé sira hasoru iha sira nia moris loro-loron, tanba impede nia labele kontinua eskola ha Ensinu Sekundariu.
“Ha’u remata Pre-Sekundária osan la iha entaun la bele atu kontinua ba Sekundária tanba ne’e ha’u deside hare ha’u nia Maun ho alin nain Rua ne’ebé ho kondisaun Defiénsia fíziku ha’u hare sira para Mae ba fila liman buka osan ba ami nia presiza maibe la signifika katak ha’u la bele kontinua ona eskola maibe possibilidade tinan oin 2025 ha’u Bele kontinua fali ha’u nia eskola iha Sekundária ( SMA )”
Haktuir Inosiénsia, Relasiona ho situasaun moris ne’ebé Inan faluk Kbi’it laek Inosiénsia Abu Pereira ho oan sira ulau hasoru nia parte husu ba governu hodi tulun nia hadia sira nia moris.
Jornalista : Aniceto Dias
Editor : Agapito de Deus
