Beijing Lafaek News-Fasilitadora Kursu ba Professional Media Timor Leste iha Beijing (Republika Popular Xina), Mandy Wang, espersa nia hanoin katak formasaun profisional durante loron 20 ba jornalistas Media profisional hamutuk 24 sei hametin liutan amizade entre Timor Leste República Popular Xina iha futuru.
Kursu Formasaun ba Profisionál Média sira husi Timor-Leste hahú iha loron 16 fulan Jullu no remata ohin, loron 4 fulan Agostu. Kursu ne’e hala’o durante loron 20, iha Beijing no Guangxi, liuhusi atividade formasaun oioin, hanesan palestra temátika, vizita no observasaun ba fatin sira, no mos diskusaun no interkámbiu esperiénsia.
Durante tempu iha China, partisipante na’in 24 husi Timor-Leste ne’ebé servisu iha área média hetan oportunidade atu komprende no koñese China ho kle’an liután.
Iha tempu hanesan, liuhusi kursu formasaun loron 20 ne’e, ami mos hetan oportunidade atu koñese no komprende kolega sira husi Timor-Leste ho kle’an liután.
“Ami fiar katak liuhusi kursu ida ne’e, amizade entre ita hotu sei sai metin no kle’an liután,” Mandy Wang ba Lafaeknews iha Beijing iha enseramentu formasaun ba media Professional TL, 4/08/2026
Mandy mos hakarak formasaun kontinua nafatin iha futuru, nunee bele ajuda fahe esperiénsia sira konaba dezenvolvimentu entre Xina no Timor Leste, liu-liu komunikasaun, edukasaun, kultura, turizmu, teknolojia, agrikultura no infraestrutura.
“Ami mos hakarak hato’o konvite ba kolega sira husi Timor-Leste atu mai fali vizita China, liuliu Beijing, iha tempu oin mai. Obrigado Barak,” Mandy hakotu Lia.
Entretantu, partisipantes hosi media Professional hosi Timor-Leste kompostu hosi Lafaeknews, Independente, RTTL, SAP News, Dili Post, Tatoli, SMNews Timor, Timor Post, GMN TV no TVE Timor.
Jornalista: Agapito de Deus
