Lafaek News–Relasiona ho loron mundiál feto iha loron 8 fulan Marsu 2022, Fundadora Fundasaun Sentru Quesadhip Ruak (SQR) atual kandidatu prezidente repúblika 2022-2027, Isabel da Costa Ferreira hato’o nia votus parabens ba feto Timor-Leste no husu inan feton sira banati tuir inan Maria Virjen.
Loron mundiál feto nian ha’u fó Parabens bá feto sira hotu iha Timor-Leste, ita iha papél ida importante presiza atu valoriza de’it ita nia papél, se hanesan feto kristaun nia bele banati tuir atitude inan virjem Maria nian sai feto ne’ebé pasiensia no fi’ar metin, no korajem nafatin atu nune’e bele ultrapassa dezafiu hodi bele manan dezafiu hotu iha ita nia moris,” dehan, Isabel Ferreira hafoin remata nia kampania iha Same Manufahi, tersa (08/03/2022).
Nia haktuir, atu hasai feto sira husi situasaun sira hanesan kaben sedu, abandona sira nia direitu iha area rural, defende ba ema ida-idak nia-an, tanba atu sai feto Ida ne’ebe mak di’ak la iha ema ida mak atu apoiu no prepara maibe depende ba ema ida-idak nia an iha familia Ida.
Ha’u hanoin iha loron mundial feto nian ita hakarak muda ita nia maneira hanesan familia ida, moris hanesan harmonia no saudavél mai ho baze iha valor no prinsipiu sira,” dehan Isabel Ferreira.
Enkuantu nia argumenta wainhira feto ida sai di’ak hodi responsabilidade atu nune’e hala’o nia kna’ar iha baze no iha kompeténsia, atu sai feto ida ne’ebé mak di’ak, hodi sai ezemplu ba sosiedade sira.
Jornalista : Juvita dos Santos
Editro : Agapito de Deus