Lafaek News–populasaun rihun ba rihun husik sira nia uma mamamuk konsentra iha kampu Futebol Ladi postu Suai Villa hodi apoia komisiu polítika kandidatu númeru 14, José Ramos Horta ne’ebé Xanana Gusmão rasik apoiu ba prezidente repúblika periodu 2022-2027.
Durante kampania iha ponta leste hahú husi munisípiu Lautem, Baukau, Vikeke ho Manatutu too Aileu, diferente tebes ho kampania ba daneen iha munisípiu Kovalima, ema rihun ba rihun mai husi postu administrativu 8 kompostu husi Suai Villa, Mauqatar, Zumalai, Fatumea, Fohorem, Fatululik ho Tilomar hatudu prontidaun ba Ramos Horta ho Xanana.
Eleitores sira hatudu sira nia sivilizasaun boot ho la’o disiplina, maske manas atake husi loron leten habai kosar metan sulin iha isin lolon, sira firme hamrik iha loron laran hodi haklalak ho liafuan see la’os agora, bainhira, se la’os Xanana ho Ramos Horta see tan, tempu ona Xanana ho ukun atu hadia povu Suai nia jalan toll, rekursu mineral, agrikultura, turizmu ho aeroprtu iha Kovalima hodi hadia ekonomia di’ak ba populasaun Suai.
Militantes ho apoiantes sira halo komboiu nadodon ho motorizadas haklalak kesi atributu partidu CNRT nadodon iha tetuk laran ne’e, feto foin sa’e sira sa’e kuda la’o infeita hanesan lolos eventu kultural ida ne’ebé dada ema nia intensaun fila situasuan uluk nian ne’eb beiala sira sa’e kudahodi akompania liurai la’o iha dalan, tensaun atusiaismu aas haklalak hasoru loro manas mo hatudu sira nia domin ba lider nasional nain rua ne’e iha komisíu polítika kandidatu PR 2022-2027 premiadu Nobel ba Paz José Manuel Ramos Horta.
Iha eventu demokrasia ne’e lafaek news dada lia ho apoiantes Jeremias do Carmo husi postu administrativu Mauqatar hateten, Suai ne’e so hatene de’it Ramos Horta ho Xanana Gusmão, maske iha lideransa nasional barak kompostu husi jerasaun tuan ho jerasaun foun sira, maibé karakteristika diferente ho sira nain rua (Xanana-Horta), han hamutuk ho povu kiik, la despresa ema foer, kiak ka beik, mos ka foer sira nain hakuak hotu.
Ita boot hatene ohin loron ami Suai nia estrada di’ak komesa husi jalan tool too Suai villa sidade ne’e tanba Xanana Gusmão nia servisu, hau pesoal sei la fo votu ba ema seluk, la’os ha’u mesak, maibé ha’u hatene ema Suai tomak ne’e so respeita mak Xanana ho Ramos Horta, Jeremias ko’alia ba Lafaek News iha kampu Ladi Suai, tersa (08/03/22).
Jeremias dehan tan, dezenvolvimentu iha Suai la’o duni ona ba oin, más presiza aselera liután, liu-liu dezenvolve mina matan, hadia auto-restrada, aeroportu no setor agrikultura iha Kovalima, presiza atu harmoniza liután setór hirak ne’e, Suai oan hakarak fo votus ba José Ramos hodi dada investor husi rai liur, mai halo investimentu ba Kovalima atu fo servisu barak Kovalima oan sira.
komisíu polítika ba daneen ne’e la’o ho hakmatek, partisipa msimu husi Polísia Nasional Timor Leste munisípiu Kovalima no observador sira mai husi Comisaun Nasional Eleisaun (CNE) ho Provedor Direitus Humanus no Justisa (PDHJ) inklui observador internasional sira, tuir ajenda kampañia ba dahitu sei hala’o iha loron kurta (09/03/) munisípiu Ainaru.
Jornalista : Abekha Raihusar
Editor : Agapito de Deus
