Lafaek News—Relasaun udan ho anin perante loron tolu husi loron 2 too loron lima, hamosu dezastre natureza iha munisípiu 11 rezulta populasaun nia uma hamutuk 653 no ema nain haat lakon vida inklui estraga komunidade nia plantasaun natar.
Tuir dadus ne’ebé fo sai husi Gabinete Autoridade protesaun sivil (APC-sigla portugés), Anacleto Caetano, informa, relasaun ho desatre naturais ne’ebé akontese iha loron 2 too 5 fulan Jullu 2023, iha Munisípiu 11 dadus final ne’ebé volume destroisaun barak liu munisípiu 11, ho tipu ne’ebé makas liu hanesan bee sa’e no rai halai (erosaun) estraga komunidade sira nia helat-fatin, natar no mós ema nain 4 lakon vida.
“Hahu husi dia 4 ate dia 10 ohin loron iha loron hira liu ba akontesimento husi dia 2 Ate dia 4 fulan ne’e ba iha munisípiu 9 ho dadus 274, maibé agora dadus sa’e la’ós munisípiu 9, agora sa’e ba munisípiu 11 inklui mós Dili totál uma kain 653 mak hetan estragus, inklui mos ema nain 4 mak lakon vida,” Anacleto Caetano inform aba jornalista iha APC Kaikoli Dili foin lalais.
Munisípiu sira ne’ebé afeta ba desatre naturais hanesan Ainaro, Ema nain 2 lakon vida no bee sa’e estraga uma kain 10 no rai halai estraga uma kain 6 no komflitu sosial estraga Uma 1, Baucau erosaun estraga uma 2, Bobonaro Rai halai estraga Uma 66, ahi Han Uma 1 no ema Ida lakon Vida, Kovalima bee sae estraga uma kain 384, rai halai rezulta uma 170 estragus, Dili tasi sae uma kain 2 estragus, Ermera anin sobu uma ida estragus Uma 2, Lautem anin sobu Uma 1, ahi han uma Rua 2 no estudante ida lakon Vida, Likisá anin sobu Uma 1, Manatutu rai halai uma kain 4 estragus, Manufahi bee sae uma kain 144 estragus no rai-halai estragus mos Uma kain 7, RAEOA ahi han uma 1, Vikeke anin sobu uma 3, bee sae estragus uma 15, rai halai estraga uma 1, ahi Han Uma 3, total uma kain 653 Mak hetan estragus husi dasatre Naturais iha fulan Jullu tinan ne’e, no total dadus husi Fulan Janeiro toofulan Jullu uma kain 1852 mak hatan estragus no ema nain 24 lakon Vida.
Anacleto mos Informa katak komunidadadu sira ne’ebe afeta ba desatre naturais ne’e husi parte APC halo ona verifikasaun hodi asesu apoiu emerjénsia.
“ Husi Uma ne’ebe Mak estragus husi dezatre naturais Husi Parte APC konsidera katak tama iha parte rekuperasaun, uma kain 789 at total 64 át naton 159, át Kma’an 366, ne’e tama ona rekuperasaun no kategoria iha parte 3 át naton, at Kma’an no at total,” nia hakotu.
Jornalista : Felix Fernandes
Editór : Agapito de deus