Lafaek News—Professores kontratadu hamutuk ema nain 1500, iha teritoriu nasional dezde fulan Abril 2023, too ohin fulan Jullu 2023 seidauk simu saláriu.
Asuntu ne’e hatoo husi portavoz, Agostino da Costa Belo, liu husi konferensia imprensa iha Jardin Lecidere, Segunda, katak husu ba lX Governo konstitusional ne’ebé lidera husi Kay Rala Xanana Gusmão no Ministra Edukasaun Dulce de Jesus atu prosesa professora kontratadu sira nia saláriu.
“Ami husi professores voluntáriu ne’ebé asina kontratu iha fulan Abril tinan2023 kuase Fulan 4 ona, maibé ami nia saláriu seidauk tama tan ne’e ami husi ba primeiro ministru no ministra edukasaun atu processa ami nia saláriu tanba ami hotu kontribui hodi forma ona jerasaun foun Liu husi Edukasaun Formal iha tempu barak Nia laran,”dehan Agustino da C. Belo ba jornalista sira iha Lecidere, segunda 10/07/2023
Professores Kontratadu husi munisípiu Dili hamutuk 250 la hetan saláriu hahu husi fulan Janeiru too agora husu ba ministra edukasaun bele orienta ekipa sira hodi publika professores reklamente sira naran nune’e sira bele asina kontratu.
“Ami Nia esperansa katak mandatu lX Guverno Ida ne’e sei kontinua resolve manorin Sira Nia kontribuisaun nudar Rekursus Ida ne’ebé Mak iha kualidade hodi hanorin kanorin Sira ba futuru nasaun RDTL nian,” katak portavoz professors kontratadu ne’e.
Entretantu Professores sira iha teritoriu nasional ne’ebé asina kontratu iha fulan Abril hamutuk 1500 husi númeru professores hirak ne’e maioria seidauk simu sira nia direitu.
Jornalista : Felix Fernandes
Editor : Agapito de Deus
