Husi Layla Laranjinha Pinto, ne’ebé ho naran estimada Layla, refere estuda iha Escola Basico Madre Carmelitas Anjo de Caridade, Bebonuk
Layla kada fin do semana ba haris tasi, iha dia 10 de Junho 2023 wainhira ba tasi ibun Bebonuk atu haris, maibé nia rasik haree praia ne’ebé foer nakonu ho lixu, liu-liu lixu plástiku.
spontan nia husu ba nia mãe halo video badak ida hodi fahe iha rede social hanesan IG ho status ba Whatsapp atu fo hanoin ba Timor-oan hotu tenki kuidadu ambiente, prekupasaun ne’e hahú mosu, tanba Layla haree futuru nasaun e liu-liu futuru labarik sira nian komesa ameasadu, sira sei la hetan ona ár-fresku hanesan uluk, no la komportavel atu haris iha tasi nomos halimar iha tasi ibun.
Layla salienta tan katak se tasi ibun nakonu ho foer oinsá mak turista sira bele mai vizita ita nia rain? ho nune labarik feto oan nemos tau iha nia planu kada sabadu nia dedika an oras 1 ou 2 hodi limpeja iha tasi ibun.
Dekretu-lei No 26/2012 , 4 de Julho, Lei de Bases do Ambiente, hateten Estadu iha dever atu konserva no fo kuidadu ba ambiente, Maibé timor oan hotu mos tenki hatene uza no soe lixu iha lixeira.