Lafaek News—Juventude no estudante munisípiu Aileu ameasa ameasa halo asaun pasífila hasoru kompania RELEQ LDA ne’ebé hapara konstrusaun Estrada diresaun Aileu ba postu administrativu Leikodoe no Remexiu.
Asuntu ne’e hatoo husi portavoz Movimentu Juventude Aileu-Oan, Simião Neto Soares hamutuk ho estudantes sira fo hanoin ba kompania RELEQ Lda atu responsabiliza ba asaun impedimentu konstrusaun Estrada diresaun Aileu liga Lekodoe ho Reméxiu.
Espera entidade hotu bele se tilun no tau atensaun ba ami nia problema ne’ebe mak Aileu enfrenta, tanba impedimentu husi kompaña lokál RELEQ.Lda ba konstrusaun estrada ligasaun postu Aileu, Aileu vila ba Lequidoe no Reméxiu, ami husi movimentu juventude munisipio Aileu oan sira no aileba oan sira ne’ebe buka moris iha kapital Dili, husu kompaña RELEQ Lda atu labele halo impedimentu ba dezenvolvimentu ba postu Reméxiu ho Lekidoe,”
Iha sorin seluk porta voz ne’e mivomentu Aileu-anan ne’e mos husu MOP, Abel Pires atu fo orden ba kampaña internasional Sinejes COVEC atu bele halao fali lansamentu ba primeira pedra konstrusaun estrada diresaun Aileu vila ba Lequidoe, Lequidoe ba to simpan-3 beluru Reméxio, urjentemente tanba data lansamentu liu tiha ona iha loron 6 fulan juni 2023.
“Husu ba kompanhia RELEQ,Lda atu retira hikas karta ne’ebe mak ita bo’ot sira hato’o ona ba MOP iha loron 16 fulan Fevereiru 2023, tanba karta ida ne’e hatudu momos ita bo’ot sira nia interese, individualista no la reprezenta nterese povu aileba hotu ne’ebe durante tempu naruk halereik no terus hela ba estrada, husu ba diretór Obras Publiku Aileu atu toma responsabilidade ba projetu refere, no tau atensaun mos ba problema ida ne’e hodi buka solusaun, bainhira lansamentu konstrusaun estrada la realiza no rejulta kanselamentu ba konstrusaun estrada diresaun Don-Baumeta Aileu-vila ba Lequidoe, Lequidoe ba Reméxio mak ami husi movimentu juventude munisipio aileu inklui estudante aileu oan sira, ho aileba sira no trabalhador sira ne’ebe mak buka moris iha Dili pronto hamutuk ho autoridade Aileu-vila Lequidoe no Reméxiu no entidade hotu atu mobiliza masa hodi halo asaun pasífiku hasoru kompanhia RELEQ.Lda,” nia hakotu.
Jornalista : Julio Da Conceição
Editor : Agapito de Deus