Lafaek News–Kandidatura Independente, Isabel da Costa Ferreira hatete hateten iha mini-kampania ba dahhat iha munisípiu Baukau dehan, liberta povu la’o de’it auto-estrada (jalan tool), ospital no eskola? Liberta povu mak kria kondisaun ba povu tomak moris di’ak.
Liberta povu nia sasukat mak hadi’a estrada, halo eskola, ospital, jalan tool ne’e mak ita hanoin dehan liberta povu? ba ha’u Isabel la’os ida ne’e mak liberta povu, Ita akompaña tinan lima-lima politiku sira mai iha fatin-fatin ko’alia ba povu dehan liberta povu más liberta povu ne’e ita la hatene liberta oinsá,” dehan Isabel Ferreira iha nia mini-kampaña dahaat iha kampu futsal postu Venilale, munisípiu Baukau, sabadu (05/03/2022).
Hodi dehan, tempu to’o ona atu hadi’a rai no povu ida ne’e labele moris nafatin hanesan ne’e, liberta povu ne’e la’os de’it hadi’a estrada, ospital, no jalan tool, maibé kria kondisoens ba povu hotu-hotu moris dignu iha nia rain rasik, liberta povu ne’e tenke kria kondisoens ba povu hotu moris dignu iha nia rain rasik hanesan nasaun ida livre no independente, nune’e nia labele kontinua halerik nafatin.
Ha’u hanoin tempu to’o ona povu Timor tenke sai sujeitu ba prosesu ida ne’e, liberta povu la fó husi bandeja, la fó husi apoiu sosiál, maibé povu tenke hatene halo nusa mak sai husi ki’ak, tenke servisu ba moris di’ak, ida ema fó de’it ne’e ita sai atan nafatin,” dehan kandidata Isabel Ferreira.
Observasaun Lafaek News nota iha nia mini-kampaña hahú inísiu to’o ohin sábadu (05/03), kandidatu mós halo vizita ba familia kbi’it laek hamutuk 3 iha Munisípiu Lautem, entre família kbi’it laek tolu ne’e, kandidata konsege alista ona iha nia fundasaun atu fó bolsa estudu ba ema nain rua, fó servisu ba ema nain ida no konta da bebe ida.
Jornalista : Juvita dos Santos
Editor : Agapito de Deus
