Lafaek News–Sábadu (05/03/2022),komisáriu Polítiku Nasionál Partidu Unidade Dezenvolvimentu Demokrátiku (PUDD), Martinho Emiliano Gusmão deklara apoiu Francisco Guterres Lú Olo ho razaun antes ne’e konferénsia deside kandidatu Martinho Gusmão hetan apoiu husi PUDD, realidade hatudu avansa ho Independente.
Komisáriu Polítiku Nasionál partidu PUDD Martinho Emilianu Gusmão hatoo asuntu ne’e iha intervensaun kampania numero Sorteiu 6 Francisco Guterres Lú Olo, dahaat iha kampu Fetebol Zináziu Maliana sabadu (05/03/2022).
Razaun komisariu sira hotu hakarak kandidatu Prezidente Lú Olo, buat ida de’it maka hakarak esklarese liliu ba PUDD tanba kandidatu doutor Martinho liu husi konferensia ami deside katak nia ba ho bandeira PUDD, realidade hatudu nia ba ho independente, ho ida ne’e mak liuhusi konferénsia estraordináriu komisarius polítika hotu deside di’ak liu ita ba buka partidu seluk duke ba kandidatu ne’ebé mak ita kandidatu ona, maibé laiha vantajen di’ak,’’ dehan Martinho Emilianu Gusmão.
Tuir komisáriu ne’e katak, liuhusi konferensia mós PUDD deside katak di’ak liu ba FRETILIN, tanba partidu FRETILIN ne’e hanesan aman, avo ne’ebé durante ne’e sai mata dalan, PUDD hanesan joven ida, joven ne’ebé moris mai tempu difisil, hanesan oan presiza apoiu aman Prezidente Lú Olo hodi ba manan vitoria iha eleisaun loron 19 fulan Marsu tinan ne’e.
Estrutura PUDD tenke vota ba Prezidente Lú Olo tenke manan iha primeiru ronde no iha desizaun deside ona katak apoiu totál metin ba iha kandidatu Prezidente Lú Olo, hakarka ka lakoi ohin loron mai fali iha ami nia uma hodi fo votus ba kandidatu numero 6″, dehan komisariu Martinho.
Iha kampañia nasional kandidatu ho númeru sorteiu 6 ne’e partisipa husi Sekretáriu Jeral partidu FRETILIN, partidu apoiantes sira, populasaun husi munispiu Bobonaro, no hetan seguransa husi polísia Nasionál Timor-Leste (PNTL) Bobonaro, tuir ajenda kampania ba kandidatu númeru sorteiu 6 ne’e sei kontinua iha loron segunda 07/03 iha munispiu Covalima.
Jornalista : Rita Moniz
Editor : Agapito de Deus
