Lafaek News-(Lautém)-Kandidatura Prezidente Repúblika ho númeru sorteiu 9, Armanda Berta do Santos iha Komprimisiu Politika ba Militantes no apoiantes sira iha kampañia loron dalimak iha Munisipiu Lautém, promete ba bainhira povu Timor Leste fo fiar ba nia sai Prezidente Repúblik sei esforsu lori nasaun Timor Leste tama ba Asosiasaun das Nações do Sudoeste Asiátiku.
Armanda Berta dos Santos hatoos asuntu ne’e iha nia diskursu polítiku iha kampania ba dalimak iha sábadu (05/03/22), iha munisípiu Lautem, no husu apoiantes sira liu-liu militantes partidu KHUNTO atu fo votus Konfiansa ba kandidatura ne’e iha eleisaun Prezidensial ne’ebe sei akontese iha Loron 19 Marsu tinan ne’e hodi ezerse funsaun xefe estadu servisu maka’as lori Timor ba ASEAN. https://lafaeknews.tl/naimori-armanda-feto-simples-prontu-nuudar-inan-ba-povu/
Bainhira hau Eleitu ba Prezidente hau sei hametin relasaun entre nasaun Vijinu sira ,nomos nasaun Komunidade Paises Língua portuguesa (CPLP sigla português),atu Bele Lori Timor Leste Adera ka tama ba ASEAN, Tanba ne’e hau sei hametin relasaun hodi husu nafatin Sira nia tulun, kna’ar Prezidente ne’e Importante tebes, maibé ha’u sei lá servisu mesak sei servisu hamutuk ho entidades sira hodi bele foti desizaun tanba Prezidente labele foti desizaun mesak,” Afirma Berta.
Kandidatu ho númeru sorteiu 9 ne’e mós apela ba militantes no apoiantes sira bainhira eleitu ba Prezidente Repúblika sei servisu no Kumpru tuir Konstitiusaun RDTL atu bele hadia povu nia moris iha nasaun doben ida ne’e.
Entretantu, Diretor Komisaun Nasionál Eleisaun (CNE) Munisípiu Lautem, Anacleto Lopes ,informa durante kampania kandidatura ho númeru sorteiu 9 ho nia apoiantes sira lá komete irregularidade ruma durante Iha Kampañia eleitoral ne’ebe hala’o iha Kampu Futebol munisípiu Lautem.
“Durante Prossesu Kampanha Doutora Armanda Berta nian iha Munisipio Lautem lao diak tebes tebes tanba iha kordenasaun ho parte hotu inklui CNE no PNTL.” Imforma Diretor CNE Munisipio Lautem.
Anacleto Hatutan Kandidatura ho numeru sorteio (9) Aramnda Berta dos Santos iha kampanha nee hahu husi dader too loraik laiha insedente ruma, orgaun CNE ne’e relata hahu husi loron rua , kampañia to’o ohin loron kandidatura hotu-hotu ne’ebe hala’o sira nina atividade polítika iha munisipio Lautem La’o di’ak tebes .
Enkuantu tuir oráriu ne’ebé Komisaun Nasionál Eleisaun aprova Kampaña eleitoral ba Kandidatura Armanda Berta sei Kontinua ba munisipio Baukau iha loron 6, hodi fahe programa ba populasaun Baukau, entretantu iha observasaun Lafaek News iha kampu futebol Lautém apoiu seguransa máximu husi PNTL Baukau no observador sira husi CNE ho PDHJ.
Jornalista : Domingas Viana
Editor : Agapito de Deus
