Lafaek News–Prezidente Repúblika ( PR) José Ramos Horta, deklara misaun FALINTIL-Forsa Defeza Timor Leste (F-FDTL) denfende Republika Demokratika Timor Leste (RDTL), la’os defende fali ema individual ida-idak nian.
Prezidente Repúblika José Ramos Horta hatoo asuntu ne’e iha nia diskursu hafoin partisipa iha serimónia komemorasaun aniversariu Forsa Armada Livertasaun Nasionál (FALINTIL ) ba_dala 47 iha Palásiu Governu.
Misaun Forsa nian loloos mak ida ne’e, defende konstituisaun RDTL rai ne’e nian, ida-idak nian, defende mos instituisoes demokratikas tuir konstituisaun, tuir orgaun eleitus la tuir partidus polítikus, la tuir ema individual nian”, dehan Prezidente Repúblika José Ramos Horta iha nia diskursu hafoin partisipa selebrasaun aniversariu Forsa Armadas Libertasaun Nasionál Timor Leste (FALINTIL) ba_dala 47 iha Palásiu Governu, Sabadu (20/08/2022).
Tuir Xefe estadu ne’e, Papel forsas armadas nian mak papel iha tempu ba paz, no iha tempu guerra, komportamentu, idak-idak nu’udar ema sivil ho militár, tenki sempre iha ulun, kakutak, fuan, sentimentu ruma ida ne’e ita iha forsas para atu serví dame hodi kontribui hametin dame iha rai, iha reijiaun, iha mundu.
Forsa nian mak papel imi nian iha tempu ba paz,no iha tempu guerra, Ita nia komportamentu, ita idak-idak nu’udar ema sivil ho militár, tenki sempre iha ita nia ulun, ita nia kakutak, fuan, sentimentu ruma ida ne’e ita iha forsas para atu serví dame hodi kontribui hametin dame iha rai, iha reijiaun, iha mundu”.
PR Horta deklara tan, Buat ne’ebé hatudu dalan mak konstituisaun no juramentu ne’ebé mak Forsas halo ba Bandeira no konstituisaun RDTL lori serví dame no tane dame hodi serví povu.
Iha serimónia aniversariu loron FALINTIL ba_dala 47 ne’e partisipa mos husi xefi estadu Maior-Genéral Forsa Armada husi Repúblika Indonézia Andika Perkasa no eis Ministru no eis xefe Servisu Nasionál Intelizensia Repúblika Indonézia no Veteranu husi operasaun Seroja Jenerál reformadu Abdullah Makhmud Hendroprioyono, no Membru 8 governu Konstituisional RDTL Timor Leste.
Jornalista : Rita Moniz
Editór : Agapito de Deus
