Lafaek News—Estudante ativista direitus umanus (AJAR) diskorda desizaun Tribunal Distrital Dili (TDD) aplika medida koazaun Termu Indentidade Rezidénsia (TIR) ba autor nain sia deskonfia konsumu droga kontra bandu iha Timor Leste.
“Ami husi eskola ativista Direitus Humanus AJAR, lamenta tebes ho desizaun husi Tribunál Distrital Dili ne’ebé aplika médida koasaun termu indentidade residensia no aprezentasaun periodika ba arguidu nain 9. Ami lamenta bazeia ba evidensia ne’ebé iha tuir lolos tribunál tenke aplika mos artigu 7 husi lei no.2/ 2017 hodi fo medida koasaun prisaun preventive ba arguidu sira hodi konsidera arguidu sira nu’udar trafiku no atividade ilisitu tanba artigu ne’e kondena mos ema sira ne’ebé halo autorizasaun sosa droga refere.liga ba kazu ne’e tuir faktu akontese hatudu katak arguidu sira sosa rasik sem obrigasaun husi ema ruma ka parte ruma, Nune’e ami la konkorda ho pozisaun sira ne’ebé dehan katak arguidu sira ne’e nu’udar vitima“, Katak Porta Voz, João Manuel Frederico hafoin realiza komunikadu imprensa iha edifisiu AJAR foin lalais.
Hodi dehan, razaun tanba bazea ba evidensia sira ne’ebé iha tuir lolos tribunál tenke aplika mos artigu 7 husi lei no.2/ 2017 hodi fo medida koasaun prizaun preventivu ba arguidu sira hodi konsidera arguidu sira nu’udar trafiku no atividade ilisitu.
Portavoz ne’e haktuir, informasaun ne’ebé mak asesu husi RTTL kona-ba PSIC halo busca ba arguidu nain 9 iha sira nia fatin ne’ebé diferente hatudu katak sira pratika duni atu ilisitu Droga ne’ebé lei no. 2/2017 bandu, nune’e ekipa konjunta hanesan J2, PSIC, PNSIC, deitein arguidu nain 9 iha sala detensaun hafoin hodi haruka ba tribunál halo primeiru interogatoriu no ikus mai tribunál hatun dezisaun hodi aplika medida koasaun TIR no aprsentasaun periodika ba arguidu nain 9.
Droga nu’udar substánsia psikkontropicas ne’ebé iha potensia bo’ot hodi estraga ema nia mentalidade no saúde fisiku hodi fo konsekuensia bo’ot ba formasaun karakter future lideransa nasaun ne’e nian, tanba ne’e ami konsidera desizaun ne’e laiha karakter edukativu atu eduka ema atu evita konsumo ka pratika hahalok ne’ebé lei bandu hanesan droga nune’e mos bele fo espasu no oportunidade ba distribuidor Droga bo’ot sira husi nasaun seluk atu utiliza ita nia rain nu’udar fatin transaksaun ba Droga”, portavoz ne’e hatete.
Enkuantu Portavoz dehan, estudante ativista mos preokupa ho prosesu investigasaun ne’ebé ministeriu públiku halo no triste ho posizaun Ministeriu públiku nian liu husi prokurador titular ba kazu refere tamba la konsiente ho akuzasaun ne’ebé MP haruka ba tribunál no mos la konsege utiliza provas no evidensia sira ne’ebé iha ho diak bele akuza arguidu sira no husu tribunál atu aplika artigu ne’ebé ho nia kastigu todan nune’e bele fo dalan aplika medidas koasaun prisaun preventive ba arguidu sira.
Ami mos konsiente katak mesmu ita iha ona lei espesifiku ba regula aktu ilisitu droga, lei no.2/2017 maibe lei refere seidauk forte nune’e presiza iha intervensaun husi legislador sira atu bele fo solusaun ida lalais no seriu hodi bele kombate kazu trafiku ilisitu droga iha ita nia rain Timor-leste”.
Enkuantu desizaun husi Tribunál Distrital Dili (TDD) aplika médida koasaun termu indentidade residesia( TIR) no apresentasaun periodika ba arguidu nain 9, ne’ebé autoridade seguransa kaptura iha semana kotuk ne’ebé deskonfia komete kazu droga tamba konsidera arguidu hirak ne’e konsumu de’it la’os trafikamente ne’ebé atividade ilisitu droga.
Jornalista: Ȃngela Carvalho
Editor : Agapito de Deus
